Fréttasafn

Málefnasamningur nýs meirihluta á Akureyri, L-listans, Sjálfstæðisflokks og Miðflokks kjörtímabilið 2022-2026 var kynntur á kaffihúsinu LYST í Lystigarðinum á Akureyri í dag.

Mjög góð reynsla er af nýju bílastæðakerfi á Akureyri og velja um 86% þeirra sem leggja á miðbæjarsvæðinu að nota smáforrit. Helstu mistök sem fólk gerir er að velja í fljótfærni gjaldsvæði í Reykjavík og að skrá ekki rétt bílnúmer í forritið.

Það var söguleg stund þegar Airbus 319 farþegaþota NiceAir lenti á Akureyrarflugvelli í gær. Eliza Reid forsetafrú gaf vélinni nafnið Súlur við hátíðlega athöfn. Eliza flutti ávarp og sömuleiðis Ásthildur Sturludóttir bæjarstjóri.

Ákveðið hefur verið að umhverfis- og mannvirkjasvið Akureyrarbæjar noti smáskilaboð (SMS) þegar koma þarf upplýsingum um götusópun eða snjómokstur til íbúa við tilteknar götur eða til íbúa heilla hverfa.

Um síðustu helgi fór fram þriðja og síðasta listvinnustofa verkefnisins Allt til enda - listvinnustofur barna.

Listasumar byrjar mun fyrr en vanalega í ár en það verður sett 11. júní og lýkur 23. júlí.

Velferðarsvið Akureyrarbæjar býður foreldrum upp á nýja þjónustu í formi námskeiðs undir yfirskriftinni Samvinna eftir skilnað - barnanna vegna. Námskeiðin eru fyrir alla foreldra sem eru að skilja, hafa skilið eða íhuga að skilja, en þar er fjallað ítarlega um áhrif skilnaðar á fjölskylduna. Þjónustan stendur öllum íbúum bæjarins til boða og er þeim að kostnaðarlausu. Það er ekki skilyrði að foreldrar nýti sér þessa þjónustu saman.

Ungmennaráð Akureyrar hefur nýverið fundað bæði með mennta- og barnamálaráðherra og framboðum til sveitarstjórnar fyrir komandi kosningar.

Vegna framkvæmda við gatnagerð og lagnir í Holtahverfi, er lokað fyrir umferð um Krossanesbraut á milli Hlíðarbrautar og Þverholts. Vonir standa til að opnað verði aftur fyrir næstu helgi.

Nú í byrjun maímánaðar hefur foreldrum langflestra barna sem fædd eru fyrir 31. ágúst 2021 verið boðið pláss fyrir þau í leikskólum bæjarins fyrir haustið 2022. Gera má ráð fyrir að alls verði rúmlega 980 nemendur í leikskólunum næsta vetur. Af þeim eru rúmlega 160 börn af yngsta árgangi leikskólabarna.

Almennar sveitarstjórnarkosningar fara fram 14. maí 2022. Níu listar bjóða fram í Akureyrarbæ.