Yfirlit frétta

Á hverri önn koma nemendur frá háskólum víðsvegar um Bandaríkin til Íslands til að stunda nám um loftslagsbreytingar og norðurslóðir, sem hluti af námi School for International Training (SIT Iceland).

Húsfyllir var í Hofi í gær þegar VÆB bræður héldu uppi stuðinu á Sumartónum ásamt hljómsveitinni Skandal.

Sumarhiti var í Hlíðarfjalli í gær og hætt er við að næstu dagar verði lítið skárri. Skíðasvæðið er opið í dag en á miðvikudag og fimmtudag verður lokað. Þannig er reynt að spara snjóinn í brekkunum og um leið og kólnar aftur verður snjó rutt upp og hann fluttur í brautirnar.

Í gær var samkomulag um rekstur og framlög til listsjóðsins Verðandi endurnýjað til þriggja ára, en veitt hefur verið úr sjóðnum árlega frá 2018.

Brynja Dís sigraði Hæfileikakeppni Akureyrar sem fram fór í Hofi 3. apríl.  

Síðasta föstudag var settur upp búnaður til að telja fjölda og reikna út hlutfall bíla sem eru á nagladekkjum. Teljarinn er við gangbraut yfir Hlíðarbraut milli Hlíðarfjallsvegar og Merkigils.

Fyrstu lundarnir settust upp í Grímsey um helgina. Sjómenn höfðu séð til þeirra á sjó við eyjuna um mánaðamótin en mögulega hefur einstaklega fallegt veður síðustu daga orðið til þess að lundarnir hafi freistast til að hefja vorstörfin fyrr en ella.

Svifryksmælir við Strandgötu sýnir sæmileg loftgæði núna kl. 9 að morgni en líklegt er að staðan eigi eftir að versna þegar líður á daginn og fari yfir heilsuverndarmörk. Unnið er að rykbindingu en þó rétt að vara viðkvæma við svifrykinu.