Fréttasafn

Skarðshlíð er lokuð frá Fosshlíð norður fyrir gatnamótin við Borgarhlíð. Íbúar við Borgarhlíð komast fram hjá lokuninni eftir hjáleið inn á bílastæði við Sunnuhlíð.

Um helgina verður haldin árleg Sólstöðuhátíð í Grímsey. Dagskráin einkennist af góðri samveru og fögnuði nú þegar birtu nýtur allan sólarhringinn.

Fulltrúar frá Aflinu, Akureyrarbæ, Bílaklúbbi Akureyrar, lögreglu og tjaldsvæðunum á Hömrum og Hrafnagili, funduðu nýverið um Bíladaga 2022 sem hefjast fimmtudaginn 16. júní, og lýkur formlega með spólkeppni (Burnout) laugardaginn 18. júní.

Tónlistarmaðurinn Stebbi JAK mætir með kassagítarinn og fagnar upphafi Listasumars með tónleikum í Listasafninu á Akureyri á morgun laugardaginn 11. júní kl. 15. Upphaflega stóð til að Stebbi yrði utandyra en það spáir hressandi rigningu og því verða tónleikar hans færðir inn í Listasafnið.

Fyrsti fundur nýrrar bæjarstjórnar Akureyrar var haldinn í gær. Á dagskrá voru fyrst og fremst hefðbundin fundarstörf á fyrsta bæjarstjórnarfundi, einkum kosningar í ráð og nefndir sveitarfélagsins. Samkvæmt venju var einnig lögð fram greinargerð kjörstjórnar vegna sveitarstjórnarkosninga 14. maí sl.

Málefnasamningur nýs meirihluta á Akureyri, L-listans, Sjálfstæðisflokks og Miðflokks kjörtímabilið 2022-2026 var kynntur á kaffihúsinu LYST í Lystigarðinum á Akureyri í dag.