Fréttasafn

Á fundi bæjarstjórnar á þriðjudag var ákveðið að gera breytingar á samþykkt um kattahald í bænum á þann hátt að þeim tilmælum verði beint til eigenda dýranna að takmarka lausagöngu þeirra meðan á varptíma fugla stendur og að lausaganga katta verði ekki heimil að næturlagi frá og með næstu áramótum.

Tillaga Arkþings hlaut fyrstu verðlaun í hugmyndasamkeppni um nýtt skipulag Torfunefs en niðurstaða dómnefndar var kynnt fyrr í dag í húsnæði Hafnasamlags Norðurlands.

Bæjarstjórn Akureyrarbæjar kemur saman til fundar þriðjudaginn 26. apríl kl. 16. Fundurinn verður haldinn í fundarsal á 1. hæð í Ráðhúsinu, Geislagötu 9, og er öllum opinn.

Fyrsta skóflustungan að nýrri stólalyftu í Hlíðarfjalli var tekin á Andrésar Andar leikunum árið 2018 og langþráð gangsetning hennar varð svo í vetur, gestum skíðasvæðisins til ómældrar gleði. Nú þegar loksins má halda Andrésarleikana á ný eftir tveggja ára hlé hefur verið ákveðið að nýja lyftan hljóti nafnið Fjallkonan.

Vorkoma Akureyrarbæjar var haldin í dag í netheimum. Veittar voru ýmsar viðurkenningar og tilkynnt að bæjarlistamaður Akureyrar árið 2022 er Kristján Edelstein tónlistarmaður.

Bæjarstjórn Akureyrarbæjar samþykkti á fundi sínum þann 12. apríl síðast liðinn endurskoðaða mannréttindastefnu bæjarins. Stefnan sem tók fyrst gildi árið 2020 er fyrsta heilstæða stefnan sem sveitarfélagið setur fram á þessu sviði og nær fjölmargra mannréttinda en ekki einungis jafnréttis kynjanna og launajafnréttis eins og jafnréttisstefnur gerðu áður.

Sveitarstjórnarkosningar fara fram 14. maí næstkomandi. Kjörskrá Akureyrarbæjar liggur frammi til sýnis í Þjónustuveri Akureyrarbæjar að Geislagötu 9, 1. hæð, í Hríseyjarbúðinni í Hrísey og í búðinni í Grímsey frá 22. apríl til og með 13. maí á venjulegum opnunartíma.

Stóri plokkdagurinn verður haldinn næsta sunnudag, 24. apríl, og þá eru Akureyringar og landsmenn allir hvattir til að tína (plokka) rusl.

Alls hafa níu framboðslistar verið samþykktir af Kjörstjórn Akureyrarbæjar vegna sveitarstjórnarkosninga 2022.

Opnað hefur verið fyrir umsóknir um störf í Vinnuskóla Akureyrar fyrir ungmenni á aldrinum 14-17 ára sem eru að stíga sín fyrstu skref á vinnumarkaði.

Mikil ánægja var með framboð afþreyingar á svæðinu. Ekki var talið að ferðamenn kæmu í veg fyrir þátttöku íbúa í vetrarafþreyingu á svæðinu. Ljóst er þó að stundum koma álagspunktar þegar mikill fjöldi ferðafólks er í bænum og notendur afþreyingar og þjónustu mun fleiri en vanalega.