Yfirlit frétta

Fimmtudaginn 26. október kl. 20 verður seinni ritlistasmiðja Ungskálda 2023 á LYST í Lystigarðinum. Að þessu sinni er leiðbeinandinn Yrsa Sigurðardóttir. Hún hefur sent frá sér sex barnabækur og nítján bækur fyrir fullorðna lesendur. Bækur hennar hafa verið þýddar á meira en þrjátíu tungumál og hafa prýtt vinsældalista víða um heim auk þess að njóta mikilla vinsælda á Íslandi. Yrsa hefur þrívegis hlotið íslensku glæpasagnaverðlaunin Blóðdropann og einu sinni hlotið Íslensku barnabókaverðlaunin, auk þess að hafa unnið til erlendra verðlauna fyrir skrif sín.

Viðbúið er að þjónusta Strætisvagna Akureyrar skerðist nokkuð vegna kvennaverkfalls þriðjudaginn 24. október. Símsvörun hjá ferliþjónustu verður takmörkuð þennan dag og Leiðir 2 & 4 hætta akstri kl. 15.53.

Nú er hægt að skrá sig á sérstakan póstlista til að fá vikulegan tölvupóst sem sendur verður út á föstudögum og greinir frá helstu framkvæmdum í Móahverfi og stöðu mála þar. Það er verkfræðistofan Mannvit sem hefur umsjón og eftirlit með framkvæmdum og mun sjá um útsendingu á svokölluðum föstudagspóstum til þeirra sem skrá sig HÉR.

Skógarlundur er lokaður milli Dalsbrautar og Espilundar og má reikna með að svo verði alla næstu viku. Á mánudag verður miðbærinn að hluta lokaður fyrir allri umferð en vonast er til að hægt verði að opna göturnar aftur undir lok næstu viku eða föstudaginn 27. október.

Akureyrarbær sendir ekki lengur út greiðsluseðla vegna reikninga frá velferðarsviði. Um er að ræða reikninga vegna húsaleigu í félagslegu leiguhúsnæði, stuðningsþjónustu, stoðþjónustu, heimsends matar og félagslegrar liðveislu. Innheimtukröfur munu því eftirleiðis eingöngu birtast í heimabönkum.

Boðað er til kvennaverkfalls þriðjudaginn 24. október undir yfirskriftinni „Kallarðu þetta jafnrétti?“ Viðbúið er að ákveðin þjónusta á vegum Akureyrarbæjar verði skert eða þyngri í vöfum þennan dag.

Vegna framkvæmda við nýbyggingar á reitnum sem afmarkast af Hafnarstræti, Austurbrú og Drottningarbraut, er nauðsynlegt að flýta breytingu á akstursfyrirkomulagi vestan við gömlu umferðarmiðstöðina að Hafnarstræti 82.

Nýtt leiksvæði við Síðuskóla var vígt að viðstöddu fjölmenni í morgun en svæðið hefur vakið stormandi lukku meðal nemenda við skólann og íbúa hverfisins.