Yfirlit frétta

Kynningarfundir um gjaldfrjálsan leikskóla frá kl. 8-14 og tekjutengingu leikskólagjalda verða haldnir þriðjudaginn 7. nóvember á Teams. / Introductory meetings about free preschools from 8 am to 2 pm and the income connection of preschool fees will be held on Tuesday, November 7 on Teams.

Fjárhagsáætlun Akureyrarbæjar fyrir árið 2024 var lögð fram í bæjarstjórn þriðjudaginn 31. október. Heimir Örn Árnason, formaður bæjarráðs, kynnti áætlunina og sagði meðal annars að sveitarfélagið stæði frammi fyrir miklum áskorunum þar sem umtalsverð óvissa ríkti í efnahagsmálum landsins og ástandið í heimsmálunum flækti einnig myndina. Megináhersla væri lögð á að standa vörð um hagsmuni barnafjölskyldna, tekjulægri hópa og eldri borgara, ásamt því að leggja áherslu á lýðheilsu bæjarbúa með bættri aðstöðu og metnaðarfullri lýðheilsustefnu.

Fyrsta flug breska lággjaldaflugfélagsins easyJet var til Akureyrar í gær en félagið mun fljúga tvisvar í viku, á þriðjudögum og laugardögum, milli Gatwickflugvallar í Lundúnum og Akureyrar út mars 2024.

Akureyrarbær auglýsir eftir umsóknum í Menningarsjóð fyrir árið 2024. Umsóknarfrestur allra umsókna er til og með 22. nóvember 2023.

Á fundi bæjarstjórnar 17. október sl. var samþykkt að bæta nýjum kafla við umhverfis- og loftlagsstefnu Akureyrarbæjar fyrir árin 2022-2030. Kaflinn ber yfirskriftina "Umgengni og stjórnsýsla" og fjallar um mikilvægi þess að tryggja góða ásýnd bæjarins og halda bæjarlandi, lóðum og athafnasvæðum snyrtilegum. Lögð er áhersla á að sveitarfélagið sýni gott fordæmi í umgengni við umhverfið og geri sambærilegar kröfur til verktaka og framkvæmdaaðila.

Laugardaginn 4. nóvember kl. 14 verður haldið í Menningarhúsinu Hofi málþing á vegum Akureyrarbæjar og AkureyrarAkademíunnar um stefnu Akureyrarbæjar í umhverfis- og loftslagsmálum. Sérstök áhersla verður lögð á umfjöllun um útblástur gróðurhúsalofttegunda, breyttar ferðavenjur, aukna nýtingu á innlendri orku, minni sóun og meiri endurvinnslu.

Bæjarstjórn Akureyrarbæjar kemur saman til fundar þriðjudaginn 31. október næstkomandi kl. 16.

Stjórn SAMTAKA, foreldrafélaganna á Akureyri, og Heimili og skóli bjóða foreldrum og forsjáraðilum barna og ungmenna að taka þátt í vinnustofu við gerð Farsældarsáttmála. Á vinnustofunni gefst foreldrum kostur á að leggja sitt af mörkum til að stuðla að farsæld barna í sveitarfélaginu og efla samstöðu þeirra sem að málum barna og ungmenna koma.