Yfirlit frétta

Í byrjun mánaðarins áttum við kynningarfund með fulltrúum fyrirtækis sem þróað hefur stofnframlagsverkefni til íbúðabygginga meðal annars á Bíldudal, Sauðárkróki og Seyðisfirði sem var áhugavert.

Öskudagurinn á miðvikudaginn verður með óhefðbundnu sniði eins og margt annað á farsóttartímum. Rík hefð er fyrir því á Akureyri að börn gangi á milli vinnustaða og syngi fyrir sælgæti og hafa margir velt fyrir sér fyrirkomulaginu í ár.

Stjórn Akureyrarstofu hefur úthlutað styrkjum til þrettán fjölbreyttra verkefna í tengslum við Barnamenningarhátíð á Akureyri. Í ár verður hátíðin allan aprílmánuð og eru einstaklingar, hópar, fyrirtæki og stofnanir hvött til almennrar þátttöku. Áhugasömum er bent á nánari upplýsingar á barnamenning.is. Opið er fyrir þátttöku á Barnamenningarhátíð á Akureyri til og með 21. mars.

Akureyrarbær býður grunn- og framhaldsskólanemum á Akureyri í sund og á skíði í vetrarfríi grunnskólanna. Auk þess er frítt fyrir alla í sund á miðvikudaginn í tengslum við „G-vítamín á þorra.“

Bæjarstjórn Akureyrarbæjar kemur saman til fundar kl. 16 þriðjudaginn 16. febrúar.

Í morgun undirrituðu Ásthildur Sturludóttir bæjarstjóri og Erlingur Kristjánsson forstöðumaður Fjölsmiðjunnar nýjan samstarfssamning um þjónustu Fjölsmiðjunnar á Akureyri fyrir árið 2021.

Frá og með árinu 2021 er ekki lengur boðið upp á greiðslu reikninga vegna heimaþjónustu velferðarsviðs og dagþjónustu ÖA með boðgreiðslum á kreditkort.

Uppselt er á skíðasvæðið í Hlíðarfjalli í dag og á morgun, föstudag og laugardag, sem og fyrripart sunnudags. Nokkrir miðar eru lausir í seinna hólfið á sunnudag.