Yfirlit frétta

Akureyrarbær og Norðurorka bjóða út hönnun gatna og stíga í Holtahverfi á Akureyri. Verkið felst í því að hanna götur í Holtahverfi Norður, sem er þéttingarreitur í Holtahverfi. Í verkhönnun felst fullhönnun gatna og stíga með veitukerfum, þ.e.a.s. götulýsingu, fráveitu auk þess að taka við hönnunargögnum vegna vatnsveitu, hitaveitu, rafveitu, símalagna og ljósleiðara og fella inn í hönnunarteikningar.

Breyting á deiliskipulagi spennistöðvar við Þingvallastræti.

Frestur til að skila inn hugmyndum og tilboðum í leigu á Sigurhæðum rennur út á föstudaginn kemur.

Á kynningarfundi sem haldinn var í Listasafninu á Akureyri á föstudaginn var komandi starfsár, sýningaskrá ársins 2021 og hlaðvarp Listasafnsins kynnt. Einnig var farið yfir starfsemi safnsins á ársgrundvelli og hlutverk þess á tímum Covid-19 faraldursins.

Álfheiður Jónsdóttir er 100 ára í dag. Af því tilefni heimsótti Ásthildur Sturludóttir, bæjarstjóri, hana og færði henni blómvönd frá bæjarstjórn Akureyrar.

Í morgun var tilkynnt að nýjar reglur hafi tekið gildi um skíðasvæði landsins í Covid-19 faraldri. Helstu breytingar eru þær að nú mega skíðasvæðin taka á móti 50% af hámarksgetu svæðanna og einnig má opna veitingasölu. Víst er að margir munu taka þessu fagnandi enda liggur straumur landsmanna norður í vetrarfríi grunnskólanna og fyrr í vikunni var þá þegar orðið uppselt í Hlíðarfjall þessa helgi og fram í næstu viku. Nú verður hægara um vik að fara á heimasíðu Hlíðarfjalls og kaupa miða í Fjallið.

Loftrýmisgæsla Atlantshafsbandalagsins við Ísland er að hefjast með komu flugsveitar norska flughersins. Gert er ráð fyrir aðflugsæfingum að varaflugvöllum á Akureyri og Egilsstöðum í nokkur skipti á tímabilinu 22. febrúar til 5. mars, ef veður leyfir. Mánudaginn 22. febrúar gera Norðmenn ráð fyrir aðflugsæfingu að Akureyrarflugvelli sem gæti orðið á milli kl. 10–15.

Bæjarráð samþykkti nýverið þátttöku Akureyrarbæjar í reynsluverkefni til eins árs á vegum félagsmálaráðuneytisins um móttöku flóttafólks.