Fréttasafn

Framkvæmdir á Krókeyri eru komnar langt á leið og viljum við biðla til fólks að leggja ekki á Krókeyri þegar það er að koma fyrir hoppukastalann.

Akureyrarbær vill hvetja bæjarbúa og gesti bæjarins til að leggja sitt af mörkum svo við getum staðið við að kalla okkur umhverfisvænan bæ - Græna Akureyri.

Krakkarnir í Vinnuskólanum standa nú í ströngu við að fegra bæinn og gera allt klárt fyrir næstu daga.

Alíslensk hitabylgja er nú á Akureyri og því hefur verið ákveðið að loka göngugötunni fyrir umferð vélknúinna ökutækja fyrr en ráð var fyrir gert. Götunni verður lokað fyrir bílaumferð kl. 13 í dag og síðan tekur við júlílokun sem er alla daga frá kl. 11-17. Í ágúst er göngugatan lokuð fimmtudaga, föstudaga og laugardaga frá kl. 11-17.

Plastiðjan Bjarg-Iðjulundur verður lokuð frá 12. júlí vegna sumarleyfa starfsfólks.

Framkvæmdum við endurbætur á gönguleiðum í Listagilinu er að ljúka í bili og er því gilið orðið opið að fullu fyrir umferð. Við viljum koma fram þökkum fyrir tillitsemina og skilninginn meðan á þessum framkvæmdum stóð.

Starfsfólk bæjarins hefur að undanförnu fengið ábendingar um að bílaumferð og hraði í Oddeyrargötu hafi aukist.

Hefur þú kraftinn, hæfnina og þekkinguna til að leiða nýtt svið hjá Akureyrarbæ, þar sem horft er til framtíðar með stafræna innleiðingu og aukna þjónustu í huga? Akureyrarbær leitar að metnaðarfullum einstaklingi til að leiða þjónustu- og skipulagssvið bæjarins.

Rekstur skíða- og útivistarsvæðisins í Hlíðarfjalli hefur verið boðinn út.

Ríkiskaup, fyrir hönd Akureyrarbæjar, óska eftir tilboðum í rekstur og starfsemi í Hlíðarfjalli, nánar tiltekið heilsársrekstur á skíða- og útivistarsvæði.

Miklar framkvæmdir standa nú yfir á svæðinu í kringum Glerárskóla. Unnið er að því að byggja leikskólann Klappir, gera nýtt plan við Drangshlíð, endurgera neðra bílastæðið við Glerárskóla, auk þess sem framkvæmdir eru að hefjast við nýjan körfuboltavöll (Garðinn hans Gústa).