Fréttasafn

Viðtalstímar bæjarfulltrúa eru haldnir einu sinni í mánuði á fimmtudögum frá kl. 17:00 til 19:00 á tímabilinu september til maí. Í viðtalstímum gefst bæjarbúum kostur á að hitta fulltrúa í bæjarstjórn og ræða þau málefni sem hæst ber hverju sinni. Viðtalstímarnir eru í Ráðhúsinu, Geislagötu 9, 1. hæð. Fimmtudaginn 4. febrúar verða bæjarfulltrúarnir Eva Hrund Einarsdóttir og Ingibjörg Ólöf Isaksen í Ráðhúsinu til skrafs og ráðagerða.

Bæjarstjórn Akureyrarbæjar kemur saman til fundar kl. 16 þriðjudaginn 2. febrúar.

Þó einungis séu örfáir dagar síðan bærinn fór allur á kaf undir þykkan snjó þá er nú fært um allar götur og helstu stíga bæjarins og eru aðstæður til útivistar með besta móti.

Álagningu fasteignagjalda er lokið hjá Akureyrarbæ og eru álagningarseðlar aðgengilegir fasteignaeigendum í þjónustugátt sveitarfélagsins og á island.is.

Umhverfis- og mannvirkjasvið Akureyrarbæjar auglýsir til leigu athafnasvæði sunnan Hlíðarfjallsvegar

Umhverfis- og mannvirkjasvið Akureyrarbæjar óskar eftir tilboðum í kaup á metan strætisvagni fyrir hönd Strætisvagna Akureyrarbæjar. Útboðið er boðið út á EES svæðinu og er tungumál útboðsins íslenska.

Akureyrarbær er að taka í notkun mælaborð sem hefur að geyma safn upplýsinga um velferð og stöðu barna og ungmenna innan sveitarfélagsins.

Vegna bilunar hefur verið slökkt á snjóbræðslukerfinu í kirkjutröppunum tímabundið. Þar af leiðandi getur myndast meiri hálka en venjulega og er fólk beðið um að fara sérstaklega varlega.

Um síðustu helgi fór fram í Listasafninu á Akureyri fyrsta listvinnustofa verkefnisins Allt til enda - listvinnustofur barna. Textíllistakonan Lilý Erla Adamsdóttir kenndi börnum á aldrinum 8-12 ára einföld útsaumsspor og aðferðir við gerð mismunandi áferðar með garni. Börnin tóku virkan þátt í öllu ferlinu, allt frá því að leita sér innblásturs, skapa verkið í samstarfi við Lilý Erlu, hengja upp og sýna afraksturinn á sérstakri sýningu sem sett var upp í safnfræðslurými Listasafnsins.

Veðrið hefur verið afar vont í Grímsey síðustu vikuna eða svo. Sjómenn tóku upp netin fyrir viku enda stefndi í að ekki yrði hægt að vitja þeirra á næstunni og því hætta á að net myndu skemmast og sömuleiðis aflinn.

Unnið er að snjómokstri af fullum krafti. Samtals eru 33 tæki í notkun og er unnið í öllum hverfum bæjarins.