Fréttasafn

Verkefnið FF Múrbrjótur – Fótbolti án fordóma, sem Búsetusvið Akureyrar stendur að, hefur hlotið tvo myndarlega styrki. Annars vegar kr. 250.000 frá Lýðheilsusjóði og hins vegar styrk frá KSÍ upp 6.000 evrur eða um kr. 750.000. Verkefnið gengur út á bjóða einstaklingum sem takast á við geðræn og félagsleg vandamál upp á fótboltaæfingar eða aðra hreyfingu einu sinni í viku yfir sumartímann. Á morgun, 1. maí, verður Fótboltafélagið Múrbrjótar formlega stofnsett. Stofnfundurinn hefst kl. 16 og verður haldinn í húsnæði Grófarinnar að Hafnarstræti 95, 4.hæð.

Landsmenn hafa verið duglegir undanfarnar vikur að plokka og eru Akureyringar engin undantekin þar frá. Að plokka snýst um að tína upp rusl á förnum vegi á meðan gengið er eða skokkað.

Aðalfundur hverfisnefndar Holta- og Hlíðahverfis verður haldinn fimmtudaginn 26. apríl nk. Fundurinn hefst kl. 20:00 og verður haldinn í sal Glerárskóla.

Norðurslóðamál voru til umræðu á síðasta fundi bæjarráðs en formaður bæjarráðs, Guðmundur Baldvin Guðmundsson, sótti nýverið fyrir hönd sveitarfélagsins aðalfund Northern Forum sem fram fór í síberíska háskólanum í Krasnoyarsk í Rússlandi dagana 11.- 12. apríl.

Akureyrarbær hvetur einstaklinga og fyrirtæki til að taka höndum saman við að hreinsa til eftir veturinn. Eigendur og starfsmenn fyrirtækja eru hvattir til að fjarlæga það sem safnast hefur á lóðum svo sem óvarið járnarusl, plastkör, timbur, byggingarefni, bílflök, bílahluti, kerrur, jarðvegsafganga og fleira.

Næsta helgi er sú síðasta sem lyfturnar verða opnar þennan veturinn á skíðasvæðinu í Hlíðarfjalli. Þá verður öllu til tjaldað og lyfturnar opnar frá kl. 14 á föstudaginn til kl. 16 á laugardag.

Umhverfis- og mannvirkjasvið Akureyrabæjar og Vistorka stóðu fyrir fundi um einnota vörur í Hofi í gær, þriðjudaginn 24. apríl. Á fundinn var m.a. boðið kjörnum fulltrúum, starfsmönnum bæjarins sem tengjast málaflokknum, matvælaframleiðendum, sorphirðufyrirtækjum og verslunum. Góð mæting var á fundinn eða hátt í 40 manns.

Akureyrarbær leggur mikinn metnað í að búa íþróttastarfi í bænum sem besta umgjörð og styður við starf íþróttafélaga með ýmsum rausnarlegum hætti. Þessa má víða sjá merki og nú í vetur, eins og oft áður, hefur öflugt íþróttastarf í bænum borið ríkulegan ávöxt.

Viðtalstímar bæjarfulltrúa Akureyrarbæjar eru haldnir tvisvar í mánuði á fimmtudögum frá kl. 17-19 á tímabilinu október til maí. Í viðtalstímum gefst bæjarbúum kostur á að hitta fulltrúa í bæjarstjórn og ræða þau málefni sem hæst ber hverju sinni. Viðtalstímarnir eru í Ráðhúsinu, Geislagötu 9, 1. hæð. Fimmtudaginn 26. apríl verða bæjarfulltrúarnir Ingibjörg Ólöf Isaksen og Sóley Björk Stefánsdóttir í Ráðhúsinu til skrafs og ráðagerða í síðasta viðtalstíma vetrarins.

Félag eldri borgara á Akureyri (EBAK) og Öldungaráð Akureyrarbæjar boða til opins fundar mánudaginn 30. apríl nk. kl. 14:00 – 15:30 í félagsmiðstöðinni, Bugðusíðu 1.

Nú styttist í að Vinnuskóli Akureyrar hefji störf. Búið er að opna fyrir umsóknir í Vinnuskólann á heimasíðu Akureyrarbæjar og stendur umsóknartímabilið til og með 14. maí nk. Nánari upplýsingar um starfsemi Vinnuskólans er að finna hér