Fréttasafn

Hin svokallaða Skíðarúta hefur nú hafið akstur og verður á ferðinni um helgar fram undir vor eða svo lengi sem aðstæður í Hlíðarfjalli leyfa. Bíllinn ekur hring um bæinn og stoppar við öll stærri hótel og gistiheimili. Þaðan liggur svo leiðin í Fjallið.

Ákveðið hefur verið að gera lítilsháttar breytingar á leiðakerfi Strætisvagna Akureyrar og taka þær gildi fimmtudaginn 1. febrúar. Breytingarnar eru gerðar vegna ábendinga notenda á leið 5 og eiga þær að bæta þjónustu við starfsfólk sjúkrahússins á Akureyri og nemendur og starfsfólk VMA eftir kl. 15 á daginn.

Akureyrarstofa auglýsir starf verkefnastjóra Jónsmessuhátíðar, Listasumars og Akureyrarvöku laust til umsóknar. Um er að ræða 100% starf í júní, júlí og ágúst en hlutastarf í mars, apríl, maí og september.

Umhverfis- og mannvirkjasvið Akureyrarbæjar, fyrir hönd Akureyrarbæjar, óskar eftir tilboðum í brúarsmíði og frágang á Leikhúsbrú við Drottningabrautarstíg. Niðurrekstri staura og uppsteypu landstöpla verður lokið fyrir þetta útboð.

Bæjarstjórinn á Akureyri, Eiríkur Björn Björgvinsson, sótti í síðustu viku fund bæjarstjóra á norðurslóðum sem haldinn var í Tromsö í Noregi en norðurslóðir eru skilgreindar sem ákveðið svæði í kringum Norðurheimskautið. Fundur bæjarstjóranna var hluti af stórri alþjóðlegri ráðstefnu Arctic Frontiers þar sem fræðimenn og fólk úr stjórnsýslu og viðskiptum fjallar um sjálfbæra þróun og tækifæri til hagvaxtar í sátt við umhverfið á norðurslóðum.

Sverre Andreas Jakobsson hefur verið ráðinn framkvæmdastjóri Íþróttabandalags Akureyrar (ÍBA) og mun hann hefja störf þann 2. maí nk. Sverre tekur við starfinu af Þóru Leifsdóttur sem mun þó áfram starfa á skrifstofu bandalagsins.

Ferðakaupstefnan Icelandair Mid-Atlantic, sem er árleg ferðakaupstefna á vegum Icelandair, var haldin í 26. skipti í síðustu viku. Kaupstefnan er sú stærsta á sínu sviði sem haldin er á Íslandi.

Viðtalstímar bæjarfulltrúa Akureyrarbæjar eru haldnir tvisvar í mánuði á fimmtudögum frá kl. 17-19 á tímabilinu október til maí. Í viðtalstímum gefst bæjarbúum kostur á að hitta fulltrúa í bæjarstjórn og ræða þau málefni sem hæst ber hverju sinni. Viðtalstímarnir eru í Ráðhúsinu, Geislagötu 9, 1. hæð. Fimmtudaginn 1. febrúar verða bæjarfulltrúarnir Sigríður Huld Jónsdóttir og Preben Jón Pétursson í Ráðhúsinu til skrafs og ráðagerða.

Fulltrúar Isavia, þau Jón Karl Ólafsson framkvæmdastjóri innanlandsflugvallasviðs og Hjördís Þórhallsdóttir umdæmisstjóri á Norðurlandi, mættu á fund bæjarráðs Akureyrar í gær til að ræða málefni Akureyrarflugvallar.

Akureyrarstofa auglýsir eftir áhugaverðum og skemmtilegum hugmyndum að listasmiðjum og viðburðum fyrir Listasumar á Akureyri sem hefst 24. júní og lýkur 24. ágúst.

Tveir fyrirlestrar um heilabilun verða haldnir í samkomusal öldrunarheimilisins Hlíðar þriðjudaginn 30. janúar kl. 13-13.40.