Fréttasafn

Akureyrarbær stendur um þessar mundir fyrir opnum kynningum á helstu stefnum sem bæjarstjórn hefur samþykkt um hina ýmsu starfssemi og málaflokka. Í þessari viku fór Birna Eyjólfsdóttir, forstöðumaður mannauðsdeildar, yfir efnisþætti mannauðsstefnu Akureyrarbæjar. Gildandi mannauðsstefna var endurskoðuð á árinu 2016, uppfærð með tillliti til stjórnsýslubreytinga árið 2017, og gildir til ársins 2020.

Á laugardaginn kemur, 3. nóvember, verður svokallaður Gildagur í Listagilinu frá kl. 14-17 og er stærstur hluti Kaupvangsstrætis lokaður fyrir bílaumferð á sama tíma.

Um 30 ungmenni á aldrinum 16-25 ára sóttu ritlistasmiðjuna Ungskáld í VMA um síðustu helgi. Mjög góður rómur var gerður að leiðsögn Guðrúnar Evu Mínervudóttur og Snæbjörns Ragnarssonar, Bibba í Skálmöld.

Unnur Jónsdóttir, íbúi á öldrunarheimilinu Hlíð, fagnaði á laugardag 100 ára afmæli sínu. Bæjarstjórinn á Akureyri, Ásthildur Sturludóttir, heimsótti Unni á afmælisdaginn og færði henni blóm í tilefni dagsins.

Framkvæmdastjóri Öldrunarheimila Akureyrar, Halldór S. Guðmundsson, flutti nýverið fræðsluerindi um áherslur, nýjungar og framtíðarsýn á sviði velferðartækni fyrir vinnuhóp á vegum Samtaka sveitarfélaga á höfuðborgarsvæðinu.

Stjórn Akureyrarstofu heimsótti í síðustu viku Fab Lab smiðjuna svokölluðu sem er til húsa í Verkmenntaskólanum. Jón Þór Sigurðsson verkefnastjóri Fab Lab smiðjunnar og Benedikt Barðason aðstoðarskólameistari VMA tóku á móti stjórninni og kynntu starfsemina.

Hverfisnefnd Lunda- og Gerðahverfis festi á síðasta ári kaup á svokallaðri aparólu sem nú hefur verið komið upp í Jólasveinabrekkunni við Brálund. Skemmst er frá því að segja að síðan rólan var sett upp hefur verið stanslaus straumur af börnum sem og fullorðnum í hana frá morgni til kvölds.

Söngleikurinn Kabarett eftir Joe Masteroff verður frumsýndur í Samkomuhúsinu á morgun, föstudaginn 26. október. Söngleikurinn er 326. sviðsetning Leikfélags Akureyrar.

Fræðslusvið fékk góða heimsókn í morgun þegar félagar í Slysavarnadeildinni á Akureyri sem komu færandi hendi með endurskinsvesti fyrir nemendur í 1. bekk grunnskólanna. Vestunum verður dreift næstu daga í skólana.

Ritlistasmiðjan Ungskáld 2018 fer fram í Verkmenntaskólanum á Akureyri laugardaginn 27. október frá kl. 9-16. Markmiðið er að efla ritlist og skapandi hugsun hjá ungu fólki á aldrinum 16-25 ára því að kostnaðarlausu. Verkefnið Ungskáld hefur verið við lýði á Akureyri í nokkur ár og er það eina sinnar tegundar á landinu.

Bæjarstjórn Akureyrarkaupstaðar hefur samþykkt eftirfarandi: