Nú er snjórinn kominn aftur og um að gera að draga fram skíðin og skella sér í Hlíðarfjall. Starfsfólki Akureyrarbæjar gefst kostur á að kaupa vetrarkort í Hlíðarfjalli á sama afslætti og Fjórir saman. Til þess að nýta þetta tilboð þarf að framvísa hausnum af launaseðli í afgreiðslunni í Hlíðarfjalli og ganga frá greiðslu í leiðinni. Starfsfólk bæjarins getur keypt vetrarkort fyrir sig sjálft og einnig fyrir maka og börn.

Sjötta tölublað Innanbæjarkrónikunnar er komið út og er blaðið eins og venjulega fullt af skemmtilegu og fróðlegu efni. Krónikunni er dreift á kaffistofur starfsfólks bæjarins og auk þess er hún send með launaumslögum til þess starfsfólks sem fær heimsenda launaseðla.

Ýmsum gagnlegum tenglum hefur verið komið fyrir í starfsmannahandbókinni undir fjármál heimilanna og vellíðan.

Plastiðjan Bjarg - Iðjulundur hvetur alla til að safna kertaafgöngum og skila þeim safnbox í þjónustuanddyri Ráðhússins eða á 1. hæð í Glerárgötu 26.

Kæra samstarfsfólk, Íslensk þjóð siglir nú krappari sjó en þekkst hefur um áratuga skeið. Á slíkum tímum er mikilvægt að við stöndum saman, látum ekki bugast og styðjum hvert annað. Oft var þörf en nú er nauðsyn að við sýnum hvert öðru skilning, hlýhug og traust. Ef við snúum bökum saman þá eru okkur allir vegir færir.