Starfsmönnum Akureyrarbæjar í svokölluðum „núll störfum" býðst nú að óska eftir endurmati á störfum sínum. „Núll störf“ eru þau störf sem voru ekki metin í starfsmati sveitarfélaganna í fyrsta áfanga heldur á árinu 2005 og síðar. Nú getur fólk í þessum störfum yfirfarið starfsmatsniðurstöðuna með hliðsjón af öðrum starfshópum og gert rökstuddar athugasemdir. Skilafrestur er til 7. júlí.

Stofnun stjórnsýslufræða og stjórnmála við HÍ hefur, í samstarfi við Samband ísl. sveitarfélaga, ráðist í viðamikla rannsókn á stöðu og þróun lýðræðisins í sveitarfélögum. Lögð verður áhersla á að niðurstöður geti nýst sveitarfélögum á hagnýtan hátt, m.a. með því að draga lærdóm af hvaða nýjungar á sviði íbúalýðræðis hafi reynst vel og hvað hefur reynst síður vel.

Þann 5. júní 2008 var undirritað samkomulag Mannauðssjóðs KJALAR og Fræðslusetursins Starfsmenntar. Samkomulagið er um aðgengi félagsmanna KJALAR sem starfa hjá sveitarfélögum og sjálfseignastofnunum að námskeiðum sem Starfsmennt heldur. Mannauðssjóður mun greiða námskeiðsgjöld fyrir þátttakendur og verða þá námskeiðin þeim að kostnaðarlausu.