Vert er að minna á að Landsmennt, Ríkismennt og Sveitamennt samþykktu nýlega að styrkja nám til almennra ökuréttinda frá 1. janúar 2008 (ath. prófum lokið eftir þann tíma). Hver félagsmaður getur einungis sótt um slíka styrki einu sinni og hámarksupphæð er sú sama og hámarksupphæðir sjóðanna eru hverju sinni þó aldrei meir en 75% af kostnaði.

Fræðslunefnd Akureyrarbæjar auglýsir eftir umsóknum um styrki vegna náms sérmenntaðra starfsmanna Akureyrarbæjar á árunum 2009-2010. Umsóknarfrestur er til 9. maí 2008.

Akstursgjald ríkisstarfsmanna breytist 1. apríl 2008 en akstursgjald starfsmanna Akureyrarbæjar er miðað við það. Sjá nánar á vef fjármálaráðuneytisins.

Gerðar hafa verið breytingar á reglum um tímabundin viðbótarlaun fyrir verkefni og hæfni. Meiri áhersla er nú lögð á verkefni þannig að mat á tímabundnu verkefni umfram hefðbundnar starfsskyldur er forsenda þess að hæfnisþættir séu metnir.

Samband íslenskra sveitarfélaga og skólanefnd Akureyrar hafa sent frá sér umsagnir um frumvörp menntamálaráðherra um leikskóla, grunnskóla, framhaldsskóla svo og um frumvarp um menntun og ráðningu kennara og skólastjórnenda.