Bandarískir háskólanemar heimsóttu Grímsey

Hópurinn við Orbis et Globus listaverkið í Grímsey.

Á hverri önn koma nemendur frá háskólum víðsvegar um Bandaríkin til Íslands til að stunda nám um loftslagsbreytingar og norðurslóðir, sem hluti af námi School for International Training (SIT Iceland). Í síðustu viku dvaldi hópurinn á Akureyri, þar sem nemendur fræddust meðal annars um endurnýjanlega orku, og heimsóttu heimskautsbauginn í Grímsey.

Á meðan á dvölinni í Grímsey stóð stóð fengu nemendur einstaka innsýn í lífið á mörkum norðurslóða og er þessi heimsókn ætíð einn af hápunktum námsins. Í Grímsey hitti hópurinn íbúa eyjarinnar sem tóku á móti þeim af hlýju og deildu reynslu sinni og sögum.

Nemendur munu síðan vinna rannsóknarverkefni á því sviði sem þau hafa áhuga á, allt frá líffræði og verkfræði til stefnumótunar og menntunar, og veita heimsóknirnar til Akureyrar og Grímseyjar innblástur fyrir þau verkefni.