Yfirlit frétta

Greint hefur verið frá því að mygla hafi fundist í húsnæði hjúkrunarheimilisins Hlíðar við Austurbyggð. Akureyrarbær á hluta af fasteignum Hlíðar en sveitarfélagið er nú í þeirri stöðu að ríkið hefur lánað húsin til þriðja aðila, þ.e.a.s. einkafyrirtækisins Heilsuverndar, og fær Akureyrarbær enga leigu greidda, hvorki frá ríki né fyrirtækinu sem nýtir húsnæðið. Óskað hefur verið eftir því að leyst verði úr þessari stöðu sem fyrst með því að ríkið kaupi hlut Akureyrarbæjar í fasteignunum en engin niðurstaða hefur fengist í það mál.

Bæjarstjórn Akureyrarbæjar auglýsir hér með skv. 1. mgr. 41. gr. skipulagslaga nr. 123/2010, tillögu að breytingu á deiliskipulagi athafnasvæðis við Austursíðu.

Málþingið Grípum inn í! hefst kl. 16.30 fimmtudaginn 10. nóvember í Hofi. Þar verður fjallað um hatursorðræðu og ofbeldi sem verið hefur áberandi meðal barna og ungmenna að undanförnu. Vandinn er umfangsmikill og flókinn og nauðsynlegt er að allir taki ábyrgð. Með samhentu átaki geta íbúar Akureyrar gripið inn í stöðuna og um leið búið til öruggara og betra samfélag fyrir börn og ungmenni.