Yfirlit frétta

Fyrir skipulagsráði Akureyrarbæjar liggur nú tillaga að breytingum á reglum um lokanir gatna í miðbænum. Tillagan felur í sér að göngugötunni verði lokað fyrir umferð vélknúinna ökutækja allan sólarhringinn í júní til ágúst með undaþágu fyrir ökutæki hreyfihamlaðra, slökkvi- og sjúkraliðs, og rekstraraðila í miðbænum vegna aðfanga.

Nú eru rétt 75 ár frá því að sjúkdómur sem fékk nafnið Akureyrarveikin geisaði hér á landi. Enn er fólk á lífi sem veiktist af sjúkdómnum og sumir þeirra áttu við langtíma eftirköst að stríða. Nú er vonandi að öðrum faraldri sé að ljúka, Covid-19.

Mánudaginn 15. maí kl. 20.15 verður haldinn fundur í Háskólanum á Akureyri um mikilvægi samvinnu foreldra fyrir velferð barna.

Heimir Örn Árnason, forseti bæjarstjórnar Akureyrar, og Halla Björk Reynisdóttir, formaður bæjarráðs, tóku í síðustu viku þátt í norrænu vinabæjarmóti sem fram fór í Álasundi í Noregi. Þar hittust kjörnir fulltrúar og bæjar- og borgarstjórar vinabæjanna fimm, sem eru auk Akureyrar og Álasunds; Randers í Danmörku, Västerås í Svíþjóð og Lahti í Finnlandi.

Fræðslu- og lýðheilsuráð Akureyrarbæjar boðaði til samverustundar í Brekkuskóla fyrr í dag þar sem nemendum og starfsfólki leik-, grunn- og tónlistarskóla Akureyrarbæjar voru veittar viðurkenningar fyrir framúrskarandi skólastarf, skólaárið 2022-2023.

Gatnamót Kaupvangsstrætis og Hafnarstrætis verða lokuð fram undir helgi vegna framkvæmda.

Bæjarstjórn Akureyrarbæjar kemur saman til fundar þriðjudaginn 2. maí næstkomandi kl. 16.

Úrræðið er í formi leikjanámskeiða sem eru í boði frá og með 12. júní- 28. júlí 2023.