Yfirlit frétta

Akureyrarbær fagnar 159 ára afmæli sínu sunnudaginn 29. ágúst og verður því fagnað með ýmsu móti um helgina. Venjan hefur verið að halda Akureyrarvöku sem næst afmælinu en vegna COVID-19 hefur henni verið aflýst. Þeir viðburðir sem verða á dagskrá helgina 27.-29. ágúst í tilefni afmælis sveitarfélagsins lúta ströngum samkomutakmörkunum og verður sóttvarna að sjálfsögðu gætt í hvívetna.

Grunnskólar Akureyrarbæjar voru settir í gær og er skólastarf að hefjast samkvæmt stundaskrá í vikunni.

Í haust verða innrituð 12 mánaða gömul börn í fimm leikskóla Akureyrarbæjar. Er þetta í fyrsta sinn sem svo ung börn eru almennt innrituð í leikskóla bæjarins.

Hafin er vinna við gerð deiliskipulags fyrir athafna- og stofnanasvæði við Súluveg og Miðhúsaveg á Akureyri.

Frá og með þessu hausti verður ekki lengur boðið upp á að greiða reikninga frá Akureyrarbæ með boðgreiðslum á kreditkort. Framvegis verða allir reikningar innheimtir með kröfu í netbanka.

Leikskólarnir Lundarsel og Pálmholt hafa verið sameinaðir og tóku þannig til starfa eftir sumarfrí. Jafnframt hefur efra húsið sem tilheyrði Pálmholti verið tekið úr notkun enda húsnæðið barn síns tíma.

Akureyrarbær auglýsir laus til umsóknar fjölbreytt störf í leik- og grunnskólum sveitarfélagsins.

Ákveðið hefur verið að gera úrbætur á aðstöðu Heilbrigðisstofnunar Norðurlands (HSN) á Akureyri með því að finna eða byggja nýtt húsnæði fyrir heilsugæslu á tveimur stöðum í bænum, norðurstöð og suðurstöð.