Ekkert fullnægjandi tilboð í rekstur Hlíðarfjalls

Frestur til að skila inn tilboðum í rekstur og starfsemi Hlíðarfjalls rann út þann 9. ágúst sl. Eitt tilboð barst. Eftir yfirferð á innsendum gögnum reyndist það ekki uppfylla hæfisskilyrði og var því hafnað.

Ríkiskaup, fyrir hönd Akureyrarbæjar, óskaði eftir tilboðum í heilsársrekstur skíða- og útvistarsvæðisins í Hlíðarfjalli þar sem markmiðið var að Hlíðarfjall yrði nýtt á sem fjölbreytilegastan máta fyrir samfélagið á Akureyri og gesti. Útboðið var auglýst í lok júní með tilboðsfresti til hádegis 9. ágúst.

Stjórn Hlíðarfjall mun nú í framhaldinu fara yfir stöðuna og meta hver næstu skref verða í málinu.