Fréttasafn

Dagana 31. ágúst - 2. september er haldið umdæmisþing Alþjóðasamtaka Zonta í Hofi. Þema þingsins hverfist um það hvernig konur geti orðið í farabroddi að sjálfbærri framtíð.

Allir reikningar sem gefnir eru út af Akureyrarbæ eru birtir í þjónustugáttinni sem finna má á heimasíðu sveitarfélagsins. Ef þú sérð kröfu frá Akureyrarbæ í heimabanka eða banka-appi er tilvalið að kíkja í þjónustugáttina til að sjá nánari skýringu.

Barnamenningarhátíð á Akureyri verður haldin í sjöunda sinn í apríl 2024. Hægt er að sækja um styrki vegna verkefna eða viðburða sem tengjast hátíðinni og er umsóknarfrestur til og með 22. nóvember 2023.

Íbúafundur var haldinn fimmtudaginn 24. ágúst sl. í sal Rauða krossins við Viðjulund. Fundurinn var afar svel sóttur og sköpuðust þar líflegar umræður um deiliskipulag fyrir lóðina að Viðjulundi 1.

Í dag er 161 ár frá því sveitarfélagið Akureyrarbær hlaut kaupstaðarréttindi. Því er fagnað ár hvert með Akureyrarvöku helgina sem næst afmælisdeginum og fór hátíðin að þessu sinni fram um liðna helgi, 25.-27. ágúst.

Opinber heimsókn forseta Íslands, Guðna Th. Jóhannessonar, og Elizu Reid, forsetafrúar, til Akureyrar dagana 25. og 26. ágúst tókst fádæma vel. Dagskráin var fjölbreytt, tíminn vel nýttur og farið víða.

Akureyrarvaka fer fram um helgina, frá föstudegi til sunnudags. Búist er við miklu fjölmenni í miðbænum sem leiðir óhjákvæmilega til þess að loka þarf nokkrum götum tímabundið.

Forseti Íslands, Guðni Th. Jóhannesson, og Eliza Reid, forsetafrú, taka þátt í Akureyrarvöku um helgina.

Akureyrarbær fagnar 161 árs afmæli sínu 29. ágúst og verður því verður fagnað með ýmsu móti um helgina. Á dagskrá eru fleiri en 70 fjölbreyttir viðburðir víðsvegar um bæinn frá föstudeginum 25. til sunnudagsins 27. ágúst.

Helgina 25.-27. ágúst fagnar Listasafnið á Akureyri 30 ára afmæli. Afmælishátíðin hefst í sal 11 á föstudagskvöldinu kl. 22 með tónleikum tékkneska oktettsins HLASkontraBAS. Blásið verður til mikillar listahátíðar á laugardaginn kl. 15 þegar fimm nýjar sýningar verða opnaðar í safninu. Guðni Th. Jóhannesson forseti Íslands flytur ávarp, einnig Ásthildur Sturludóttir bæjarstjóri á Akureyri og Hlynur Hallsson safnstjóri.

Nú er leikskólastarfið hafið á ný eftir sumarlokanir í leikskólum Akureyrarbæjar. Fjöldi leikskólabarna á Akureyri verður 1.030 þegar innritun er lokið, en 282 ný börn eru að hefja aðlögun í skólunum. Af þessum hópi eru 135 börn fædd árið 2022, 111 börn fædd 2021 og 34 eldri börn. Einnig voru 64 umsóknir afgreiddar um flutning barna milli leikskóla.