Fréttasafn

Óðinsnes verður lokað fyrir almennri umferð laugardaginn 30. september frá kl. 7 að morgni á kaflanum milli Baldursnes og Krossanesbrautar vegna vinnu við malbikun.

Dagana 28. og 29. september fer fram í Hofi árleg leikskólaráðstefna norrænu vinabæjanna Akureyrar, Ålesund, Lathi, Randers og Vesteräs. Þetta samstarf hófst árið 2001 og hafa verið haldnar leikskólaráðstefnur síðan þá. Þemað að þessu sinni er “Leikskóli fyrir alla”. Á ráðstefnunni eru 120 kennarar leikskólabarna.

Ráðhús Akureyrarbæjar fékk í gær viðurkenningu fyrir að hafa náð fyrsta skrefinu af fimm í verkefninu Græn skref sem Samtök sveitarfélaga og atvinnuþróunar á Norðurlandi eystra (SSNE) halda utan um í landshlutanum.

Í morgun var tekin fyrsta skóflustunga að hinu nýja Móahverfi nyrst og vestast í bænum. Gert er ráð fyrir að í hverfinu verði um 1.100 íbúðir sem hýsa munu 2.300-2.400 manns. Strax í dag hefjast framkvæmdir við gatnagerð og lagnavinnu.

Framkvæmdir hefjast í Móahverfi mánudaginn 25. september og þar með verður nyrsta hluta Borgarbrautar lokað sem sjá má á meðfylgjandi mynd. Einnig mun koma til tímabundinna lokana á hluta Síðubrautar en það verður nánar auglýst síðar. Allri umferð vinnuvéla og þungra ökutækja verður beint um stofn- og tengibrautir til að lágmarka ónæði í íbúðahverfum.

Opnað hefur verið fyrir umsóknir í Uppbyggingarsjóð Norðurlands eystra og er umsóknarfrestur er til kl. 12 þann 18. október nk.

Evrópska samgönguvikan stendur nú yfir en í fyrra hóf starfsfólk Vistorku að meta daglega veðrið á leið sinni til vinnu, kalla það samgönguveður og birti um það upplýsingar á heimasíðunni vistorka.is.

Rætt var um fyrirhugaða sameiningu framhaldsskólanna á Akureyri á fundi bæjarstjórnar Akureyrar í gær. Þar var samþykkt eftirfarandi bókun:

Sú leið að opna nýjar leikskóladeildir í Síðuskóla og Oddeyrarskóla hefur leitt til þess að nú eru öll börn á Akureyri yfir 12 mánaða aldri komin með leikskólapláss (þ.e. börn sem höfðu náð 12 mánaða aldri 31. ágúst 2023). Næstu skref í uppbyggingu leikskólamála í bænum eru nýr leikskóli í Hagahverfi og ný gjaldskrá sem tekur gildi um næstu áramót og felur m.a. í sér gjaldfrjálsan sex tíma leikskóla með tekjutengingu á það sem umfram er.

Evrópska samgönguvikan stendur nú sem hæst og á föstudaginn er komið að bíllausa deginum þegar fólk er hvatt til að skilja bílinn eftir heima og nýta vistvæna samgöngumáta. Þess má geta að nú eru 20 ár frá því Akureyrarbær hélt bíllausa daginn hátíðlegan í fyrsta sinn.

Rekstrarniðurstaða A- og B-hluta Akureyrarbæjar fyrri hluta ársins 2023 var nokkru betri en áætlun hafði gert ráð fyrir eða sem nemur 606 milljónum króna. Niðurstaðan var neikvæð um 1.196,8 milljónir króna en áætlun hafði gert ráð fyrir að rekstrarhalli yrði 1.802,4 milljónir á tímabilinu.