Fréttasafn

Launadeildin vill benda á nýtt vinnulag við nýtingu persónuafsláttar. Nú þurfa stafsmenn að skila inn eyðublaði/blöðum í gegnum íbúagáttina vegna nýtingar persónuafsláttar, breytingu á nýtingu persónuafsláttar og nýtingu persónuafsláttar maka. Einungis er tekið á móti gögnum vegna persónuafsláttar í gegnum íbúagáttina og því er eyðublaðið er ekki lengur með ráðningarsamningsforminu. Nánari upplýsingar er hægt að finna með því að smella hér.

Í íbúagáttinni á Akureyri.is er hægt að skrá sig inn með íslykli eða rafrænum skilríkjum til að sækja um ýmsa þjónustu og fylgjast með stöðu umsókna. Nú eru 37 umsóknareyðublöð af ýmsu tagi komin í íbúagáttina þar sem hægt er að fylla þær út eftir þörfum og senda inn rafrænt ásamt með fylgiskjölum. Stöðugt er unnið að því að koma fleiri umsóknum inn í rafrænu gáttina og til stendur að gera tilraun með að hafa vissar umsóknir eingöngu á rafrænu formi, til dæmis andmæli vegna stöðubrotasekta.  Íbúar sem hafa sent inn umsókn í íbúagátt geta síðan fylgst með afgreiðslu málsins og framvindu þess undir flipanum "málin mín". Einnig er hægt að sjá álagningarseðil fasteigna í íbúagáttinni undir flipanum "álagning". Skorað er á bæjarbúa að kynna sér íbúagáttina og nýta sér þessa rafrænu þjónustu. Íbúagáttin er mjög áberandi hér á forsíðu heimasíðunnar en bein slóð á hana er http://ibuagatt.akureyri.is. Þeir sem þurfa aðstoð við að opna gáttina geta fengið hana í þjónustuverinu í anddyri Ráðhúss Akureyrarbæjar, Geislagötu 9.

Starfi mínu fyrir Akureyrarbæ sem bæjarstjóri lauk formlega frá og með deginum í gær. Ég er afar þakklátur fyrir það tækifæri sem ég hef fengið til að starfa með ykkur og fyrir Akureyringa. Mig langar að nota tækifærið og þakka kærlega fyrir samstarfið undanfarin ár. Eiríkur Björn Björgvinsson

Í byrjun mánaðarins var Sóleyju Sigdórsdóttur og Kristínu Ólafsdóttur, starfsmönnum í heimaþjónustu Akureyrarbæjar, veittur dálítill þakklætisvottur fyrir vel unnin störf en þær láta nú senn af störfum. Sóley hefur starfað í heimaþjónustunni í rúm 23 ár og Kristín í rúm 27 ár.

Nýjasti heilsupistill Heilsuverndar er komin út og fjallar að þessu sinni um vaktavinnu og heilsu. Í pistlinum er fjallað um áhrif vaktavinnu á heilsu fólks, þ.e. meltingarfæri, hjarta- og æðakerfi, svefn og félagsleg tengsl. Endilega kynnið ykkur málið betur - pistilinn má finna með því að smella HÉR.

Starfsmannagolfmót Akureyrarbæjar og Norðurorku (NORAK) fer fram miðvikudaginn 13. júní nk. kl. 18:00. Opnað hefur verið fyrir skráningar. Nánari upplýsingar eru hér og keppnisskilmála má lesa hér.

Minnt er á mikilvægi þess að skrá sumarorlof í dagbók og setja sjálfvirka svörun á tölvupóst meðan orlofið varir. Sjá nánar hér