Þann 10. mars sl. var samþykkt á Alþingi breyting á lögum um séreignasparnað. Samkvæmt lögunum er nú heimilt til að draga allt að 6% frá iðgjaldastofni til staðgreiðslu vegna iðgjalda, sem greidd eru til lífeyrissjóða til aukningar lífeyrisréttinda, í stað 4% eins og verið hefur. Mótframlag launagreiðanda er óbreytt 2%. Breytingin gildir fyrir tímabilið 1. mars 2009 til 1. október 2010.  

Starfsmat sveitarfélaga SAMSTARF er notað til að meta störf félagsmanna í Einingu-Iðju og Kili. Nú er að mestu lokið vinnu við mat og endurmat starfa hjá starfsmatsteymi sambandsins sem fyrst var samið um í kjarasamningum árið 2001 og við tekur tímabil þar fram fer mat á nýjum störfum og eftir þörfum, endurmat á störfum sem tekið hafa umtalsverðum breytingum. Úrskurðarnefnd starfsmats sveitarfélaganna hefur gefið út verklagsreglur um starfsmat fyrir ný störf og endurmat starfa.

Þriðja tölublað ársins 2009 af Innanbæjarkrónikunni er komið út. Meðal efnis er umfjöllun um væntanleg bæjarstjóraskipti og auglýst er eftir sparnaðarhugmyndum fyrir Akureyrarbæ. Föstu liðirnir Gamla myndin, Gott að vita, Hvað ertu að gera? og Matarhlé eru auk þess á sínum stað. Krónikunni er dreift á kaffistofur starfsfólks Akureyrarbæjar.