Yfirlit frétta

Gert hefur verið kynningarmyndband um grunnskólakerfið á Akureyri og það textað á fjórum tungumálum auk íslensku, það er á ensku, pólsku, spænsku og rússnesku.

Ríki og sveitarfélög hafa gert með sér samkomulag um að aukið fé renni til málaflokks fatlaðra sem hefur um langt árabil verið mjög vanfjármagnaður af ríksins hálfu en það hefur bitnað illa á rekstri stærstu sveitarfélaga landsins. Samkomulagið felur í sér að útsvar verður hækkað um 0,22% en tekjuskattur lækkaður um samsvarandi hlutfall. Þessi breyting mun því ekki hafa nein áhrif á hinn almenna skattgreiðanda því skatthlutfallið, sem samanstendur af útsvari og tekjuskatti, verður hið sama eftir sem áður. Hins vegar gerir þetta ríkinu kleift að láta meiri fjármuni renna til reksturs á málaflokki fatlaðra í gegnum Jöfnunarsjóð sveitarfélaga.

Strætisvagnar Akureyrar aka ekki yfir bláhátíðarnar en verða á ferðinni sem hér segir:

Skíðasvæðið í Hlíðarfjalli verður opnað kl. 16 í dag og verður opið til kl. 19. Opið verður á laugardag og sunnudag frá kl. 10-16.

Leið 6 hjá Strætisvögnum Akureyrar ekur nú hina hefðbundnu leið sína samkvæmt leiðabók um Hagahverfið og fell alla leið suður Kjarnagötu í stað þess að fara Kristjánshaga að hluta.

Bæjarstjórn Akureyrarbæjar kemur saman til fundar þriðjudaginn 20. desember nk. kl. 16.

Eitt fremsta flugfélag Sviss, Edelweiss Air, mun hefja áætlunarflug til Akureyrar frá Zurich næsta sumar. Flogið verður á föstudögskvöldum til Akureyrar og svo strax til baka til Zurich í næturflugi.

Lokið er framkvæmdum við hið svokallaða Háborð í Hrísey en það er vinsæll áfanga- og áningarstaður þeirra sem fara í gönguferðir um eyjuna. Það er á hæð með vítt útsýni til allra átta. Þar liggja saman þrjár af fjórum merktum gönguleiðum um eyjuna og því þykir gott að hvílast þar, snæða nestisbita og skyggnast til allra átta. Auðvelt er að komast að Háborðinu nema í miklum snjóþyngslum.