Yfirlit frétta

Leik- og grunnskólar á Akureyri verða opnir í dag en kennsla fellur niður í Hlíðarskóla norðan bæjarins.

Allar ferðir ferliþjónustu Akureyrarbæjar með hjólastóla falla niður í dag þar sem gert er ráð fyrir hávaðaroki í bænum um og upp úr hádegi.

Þrátt fyrir afleita veðurspá er ennþá gert ráð fyrir að leik- og grunnskólar Akureyrarbæjar verði opnir á morgun, fyrir utan að tekin hefur verið ákvörðun um að fella niður skólastaf í Hlíðarskóla. Sviðsstjóri fræðslu- og lýðheilsusviðs verður í sambandi við lögreglu og kemur tilkynningu til útvarpsstöðva RÚV og Bylgjunnar ef kennsla fellur niður og er þá gert ráð fyrir að fyrsta tilkynning þar að lútandi verði flutt í fréttum kl. 7 að morgni.

Um þessar mundir taka Brekkuskóli og Leikskólinn Klappir þátt í samstarfsverkefni sem miðar að því að bæta vinnustaðamenningu og auka vellíðan í skólastarfi. Verkefnið byggir á niðurstöðum könnunar á stöðu fólks á íslenskum vinnumarkaði sem gerð var fyrir félags- og vinnumarkaðsráðuneytið og Vinnueftirlitið í lok árs 2022. Niðurstöðurnar gáfu tilefni til þess að gefa aðstæðum starfsfólks í leik- og grunnskólum meiri gaum með hliðsjón af vellíðan þess í starfi.

Í febrúar fer fram innritun nemenda sem hefja nám í 1. bekk í grunnskólum Akureyrarbæjar haustið 2025.

Álagningu fasteignagjalda er lokið hjá Akureyrarbæ og eru álagningarseðlar aðgengilegir fasteignaeigendum í þjónustugátt sveitarfélagsins og á island.is.

Á kynningarfundi sem haldinn var í Listasafninu á Akureyri í gær var dagskrá ársins 2025, ný árbók og komandi starfsár kynnt. Einnig var formlega tilkynnt um útgáfu sérstakrar bókar um sýningaröðina Sköpun bernskunnar, þar sem skólabörn og starfandi listafólk leiða árlega saman hesta sína í Listasafninu. Árbók safnsins er nú öllum aðgengileg og gjaldfrjáls í anddyri safnsins auk valdra staða á Akureyri.

Bæjarstjórn Akureyrarbæjar kemur saman til fundar þriðjudaginn 4. febrúar næstkomandi kl. 16.