Yfirlit frétta

Hafnasamlag Norðurlands óskar eftir tilboðum í að byggja verkið Þjónustuhús á Torfunefsbryggju eins og því er lýst í útboðsgögnum.

Fyrirtækjaþing Akureyrar fer fram í Menningarhúsinu Hofi fimmtudaginn 13. febrúar kl. 14-16.

Á íþróttahátíð Akureyrarbæjar og ÍBA sem haldin var í Hofi í síðustu viku voru veittar fjórar heiðursviðurkenningar fyrir vel unnin störf í þágu félags-, íþrótta- og æskulýðsmála í bænum. Þær hlutu Björn Halldór Sveinsson úr Þór, Erlingur Kristjánsson og Hrefna Brynjólfsdóttir úr KA, og Guðmundur Bjarnar Guðmundsson úr Skíðafélagi Akureyrar.

Akureyrarbær kynnir drög að deiliskipulagi fyrir Tjaldsvæðisreitinn við Þórunnarstræti.

Meirihluti skipulagsráðs samþykkir að fela skipulagsfulltrúa að kynna fyrirliggjandi drög að endurskoðuðu deiliskipulagi tjaldsvæðisreits skv. 4. mgr. 40. gr. skipulagslaga nr. 123/2010. Jón Hjaltason óháður situr hjá við afgreiðslu málsins. Þórhallur Jónsson D-lista situr hjá við afgreiðslu málsins og óskar bókað eftirfarandi: Ég tel að nýtingin á Tjaldsvæðisreit sé ekki nægileg og fjölga ætti íbúðum um 60 og hækka húsin í suðausturhorni reitsins. Skuggavarp af þeim byggingum hefði ekki áhrif á neina íbúa í nágrenni. Eins tel ég að stígur sem liggur norður - suður þurfi að hlykkjast vegna vinda.

Í dag kl. 15 verða opnaðar þrjár sýningar í Listasafninu á Akureyri: Hulda Vilhjálmsdóttir – Huldukona, Kristján Guðmundsson – Átta ætingar og Þórður Hans Baldursson / Þórunn Elísabet Sveinsdóttir – Dömur mínar og herrar. Boðið verður upp á listamannaspjall við Huldu, Þórð og Þórunni kl. 15.45.

Franska kvikmyndahátíðin á Akureyri er haldin í febrúar ár hvert með bíósýningum á nokkrum vel völdum stöðum. 

Lyftingamaðurinn Alex Cambray Orrason hjá KA er íþróttakarl Akureyrar 2024 og knattspyrnukonan Sandra María Jessen hjá Þór/KA er íþróttakona Akureyrar 2024. Þess má geta að Sandra María var einnig kjörin Íþróttakona Akureyrar árið 2023. Í öðru sæti voru þau Baldvin Þór Magnússon hlaupari hjá UFA og Hafdís Sigurðardóttir hjólreiðakona hjá HFA. Í þriðja sæti voru þau Þorbergur Ingi Jónsson utanvegahlaupari hjá UFA og Julia Bonet Carreras blakkona hjá KA.