Yfirlit frétta

Umhverfis- og mannvirkjasvið Akureyrarbæjar óskar eftir tilboðum í jarðvegsskipti og undirstöður fyrir nýja vélageymslu í Hlíðarfjalli. Um er að ræða gerð vegslóða að verkstað, uppgröft, steypa upp undirstöður, veggi og gólfplötur. Verkið afhendist tilbúið fyrir uppsetningu stálgrindarhúss. Verklok eru 1. september 2023.

Ásthildur Sturludóttir bæjarstjóri og Willum Þór Þórsson heilbrigðisráðherra hafa undirritað samning sem kveður á um að nýtt hjúkrunarheimili sem byggt verður á Akureyri verði fyrir 80 íbúa í stað 60 samkvæmt eldri samningi. Gert er ráð fyrir að framkvæmdir hefjist á næsta ári og að heimilið verði tilbúið til notkunar árið 2026.

FSRE og Ríkiskaup efna til kynningarfundar um alútboð á hönnun og byggingu 1700 fermetra heilsugæslustöðvar á svonefndum tjaldsvæðisreit á Akureyri. Fundurinn fer fram á Hótel KEA, miðvikudaginn 8. mars kl. 13.30.