Yfirlit frétta

Akureyrarbær er eitt af fimm sveitarfélögum sem voru valin til að taka þátt í tilraunaverkefni á vegum Byggðastofnunar sem miðar að því að greina áhrif og afleiðingar loftlagsbreytinga og móta aðgerðir til aðlögunar.

Umhverfis- og mannvirkjasvið Akureyrarbæjar og Reginn atvinnuhúsnæði ehf. óska eftir tilboðum í endurbætur á kirkjutröppum og umhverfi þeirra. Um er að ræða endurnýjun á kirkjutröppunum, lagfæringar á þaki undir neðri hluta trappna, uppgröft og fyllingar ásamt frárennslis–, snjóbræðslu- og raflögnum. Smíði og uppsetning grindverks og jarðvegsfrágangur með þökulögn o.fl.

Í síðustu viku var skrifað undir samning milli Akureyrarbæjar og Skíðafélags Akureyrar um Andrésar Andar leikana 2023. Markmiðið með samningnum er að styðja við Skíðafélagið þegar kemur að umgjörð og framkvæmd Andrésar Andar leikanna í Hlíðarfjalli.

Veðurspáin fyrir páskana á Akureyri er með betra móti og búast má við að margir leggi leið sína í höfuðstað Norðurlands. Skíðasnjórinn í Hlíðarfjalli hefur ómótstæðilegt aðdráttarafl og sömuleiðis rennibrautir, heitir pottar, gufan og laugarnar í Sundlaug Akureyrar.

Akureyringar eru minntir á að notkun nagladekkja er almennt bönnuð á Íslandi frá og með 15. apríl til og með 31. október nema aðstæður gefi tilefni til annars. Bæjarbúar eru því hvattir til að skipta út nagladekkjum sem allra fyrst.

Námskeið fyrir foreldra þar sem ítarlega er fjallað um áhrif skilnaðar á fjölskyldu.

Listsjóðurinn VERÐANDI óskar eftir umsóknum frá ungu listafólki og þeim sem standa utan stofnana að nýta sér þá fyrirmyndar aðstöðu sem Menningarhúsið Hof hefur uppá að bjóða, stuðla að fjölbreytileika í listviðburðum í húsinu og nýta möguleika þess sem best. Sjóðurinn veitir styrki til kostnaðar vegna afnota af salarkynnum, tæknibúnaði, tækniþjónustu og framhúsi ásamt kynningu framan á húsinu.

Aðalinnritun í leikskóla á Akureyri fyrir haustið 2023 fer fram nú í lok mars og í aprílmánuði. Þá fá foreldrar væntanlegra leikskólanemenda send innritunarbréf frá skólunum í tölvupósti. Innritað er í hvern leikskóla eftir kennitölum barna og forgangsreglum.