Yfirlit frétta

Í dag var undirritaður samningur Akureyrarbæjar og Knattspyrnufélags Akureyrar (KA) um uppbyggingu íþróttamannvirkja á félagssvæði KA. Samningurinn er framhald af viljayfirlýsingu milli aðila sem var undirrituð í desember 2021.

Tugum nýrra hjólastólarampa hefur á síðustu vikum verið komið upp á Akureyri og í dag vígðu aðstandendur verkenisins „Römpum upp Ísland“ 500. rampinn sem gerður er fyrir þeirra atbeina. Hugmyndasmiður og helsti hvatamaður verkefnisins er Haraldur Þorleifsson en markmið átaksins er að búa til 1.500 rampa á landsvísu fyrir vorið 2026.

Nú á vormisseri hafa grunnskólarnir á Akureyri haldið þrjú málþing um læsi í samstarfi við Miðstöð skólaþróunar við Háskólann á Akureyri (MSHA) og kennaradeild HA. Hugmyndin á bak við málþingin var að skapa umræðu um læsi grunnskólabarna meðal skólafólks, læra hvert af öðru og hvetja okkur öll til góðra verka til eflingar læsis hjá börnum.

Jórunn Eydís Jóhannesdóttir hefur verið ráðin í starf skólastjóra leikskólans Krógabóls. Jórunn hefur starfað sem stjórnandi í Krógabóli síðastliðin 28 ár, fyrst sem deildarstjóri og síðar sem aðstoðarskólastjóri. Jórunn tekur formlega við starfi skólastjóra 1. júní næstkomandi, en hún hefur gegnt starfinu um nokkurt skeið. Jórunni er óskað áframhaldandi velfarnaðar í starfi skólastjóra.

Umhverfis- og mannvirkjasvið Akureyrarbæjar leitar eftir aðila/aðilum til að annast veitingarekstur í Hlíðarfjalli frá 1. júlí 2023.

Frá og með 15. maí 2023 eru gögn frá byggingarfulltrúa og skipulagsráði, afgreiðsla erinda, grenndarkynningar og upplýsingar um önnur sértæk skipulagsmál, birt í pósthólfum þeirra sem málið varðar á island.is.

Teknar hafa verið saman upplýsingar um það helsta sem verður í boði fyrir börn í frístundastarfi á Akureyri sumarið 2023.

Akureyrarbær stendur nú frammi fyrir því verkefni að útfæra betri vinnutíma hjá starfsfólki leikskóla sem kveðið er á um í kjarasamningum og tryggja um leið næga mönnun í leikskólum bæjarins. Einnig er það keppikefli sveitarfélagsins að bæta starfsumhverfi starfsfólks í leikskólum og gera skólana að eftirsóknarverðum vinnustöðum.