Yfirlit frétta

Nýverið gerði verkfræðistofan Mannvit úttekt á Lundarskóla vegna hugsanlegra rakaskemmda og komu í ljós skemmdir á afmörkuðum svæðum. Að mati sérfræðinga Mannvits eiga skemmdirnar ekki að hafa veruleg áhrif á kennslu eða annað starf innan skólans, enda verði gripið til fullnægjandi ráðstafana. Strax fyrir páska hófust úrbætur og verklegar framkvæmdir við skólann. Verið er að endurnýja drenlögn umhverfis húsakynnin og einnig verður ráðist í viðgerðir og fyrirbyggjandi aðgerðir innanhúss.

Akureyringar eru minntir á að notkun nagladekkja er almennt bönnuð á Íslandi frá og með 15. apríl til og með 31. október nema aðstæður gefi tilefni til annars.

Bæjarstjórn Akureyrarbæjar hefur þann 7. apríl 2020 samþykkt deiliskipulagsbreytingu í samræmi við 3. mgr. 41. gr. skipulagslaga nr. 123/2010.

Nú geta eigendur atvinnuhúsnæðis sem eiga við tímabundna rekstrarörðugleika að stríða vegna tekjufalls, sótt um frestun á allt að þremur greiðslum fasteignagjalda sem eru á gjalddaga 3. apríl til og með 3. september 2020.

Akureyrarbær óskar frú Vigdísi Finnbogadóttur, fyrrverandi forseta Íslands, til hamingju með 90 ára afmælið.

Skipulagsráð Akureyrarbæjar hefur þann 29. janúar 2020 samþykkt deiliskipulagsbreytingu fyrir Jaðarsíðu 2.

Ég kveiki á kertum mínum við krossins helga tré, orti Davíð Stefánsson frá Fagraskógi í kvæði sínu um föstudaginn langa. Tregafullt lagið sem Guðrún Böðvarsdóttir frá Hrafnseyri við Arnarfjörð samdi við kvæðið, lyftir orðum Davíðs á æðra stig og fyllir páskana af helgi og þökk fyrir lífið.

Vorið er farið að láta á sér kræla norður við heimskautsbaug eftir frekar erfiðan og snjóþungan vetur. Langvían og álkan eru nú þegar sestar upp í björgin til að tryggja sér hreiðurstæði og lundinn var að mæta.