Yfirlit frétta

Fyrsta skóflustungan að nýrri stólalyftu í Hlíðarfjalli var tekin á Andrésar Andar leikunum árið 2018 og langþráð gangsetning hennar varð svo í vetur, gestum skíðasvæðisins til ómældrar gleði. Nú þegar loksins má halda Andrésarleikana á ný eftir tveggja ára hlé hefur verið ákveðið að nýja lyftan hljóti nafnið Fjallkonan.

Vorkoma Akureyrarbæjar var haldin í dag í netheimum. Veittar voru ýmsar viðurkenningar og tilkynnt að bæjarlistamaður Akureyrar árið 2022 er Kristján Edelstein tónlistarmaður.

Bæjarstjórn Akureyrarbæjar samþykkti á fundi sínum þann 12. apríl síðast liðinn endurskoðaða mannréttindastefnu bæjarins. Stefnan sem tók fyrst gildi árið 2020 er fyrsta heilstæða stefnan sem sveitarfélagið setur fram á þessu sviði og nær fjölmargra mannréttinda en ekki einungis jafnréttis kynjanna og launajafnréttis eins og jafnréttisstefnur gerðu áður.

Sveitarstjórnarkosningar fara fram 14. maí næstkomandi. Kjörskrá Akureyrarbæjar liggur frammi til sýnis í Þjónustuveri Akureyrarbæjar að Geislagötu 9, 1. hæð, í Hríseyjarbúðinni í Hrísey og í búðinni í Grímsey frá 22. apríl til og með 13. maí á venjulegum opnunartíma.

Vorhreinsun sveitarfélagsins er nú í fullum gangi, áður en sópað er í einstökum hverfum/húsagötum eru íbúar látnir vita á hverfissíðu viðkomandi hverfis á facebook auk þess sem merkingar eru settar upp í hverfinu með fyrirvara áður en byrjað er að sópa á svæðinu.

Stóri plokkdagurinn verður haldinn næsta sunnudag, 24. apríl, og þá eru Akureyringar og landsmenn allir hvattir til að tína (plokka) rusl.

Umhverfis- og mannvirkjasvið Akureyrarbæjar óskar eftir tilboðum í endurbætur á A-álmu og viðbyggingu við tengigang í Glerárskóla á Akureyri.

Akureyrarbær auglýsir eftir tilboðum í ræstingar fyrir ofangreinda grunnskóla á Akureyri. Áætlaður samningstími er 2 ár með 2ja ára framlengingarmöguleika.