Yfirlit frétta

Kosið verður til Alþingis 25. september 2021. Kjörskrá Akureyrarbæjar liggur frammi til sýnis í Þjónustuveri Akureyrarbæjar að Geislagötu 9, í Hríseyjarbúðinni í Hrísey og í búðinni í Grímsey frá 15. september til og með 24. september á venjulegum afgreiðslutíma.

Fallorka opnaði nýlega fjórar 2x22 kW hleðslustöðvar á Akureyri.

Hannyrðapönk, hljóðlist og kakósmakk var meðal þess sem þátttakendur í listasmiðjum sumarsins fengu að kynnast. Boðið var upp á fjölbreyttar listasmiðjur í tengslum við Listasumar á Akureyri og er óhætt að segja að þær hafi slegið í gegn en í sumum tilvikum komust færri að en vildu.

Þrjú börn á einni deild leikskólans Iðavallar hafa greinst með Covid-19. Deildinni hefur því verið lokað út þessa viku og börn og starfsfólk á deildinni fara í sóttkví. Enginn starfsmaður hefur greinst smitaður.

Kynningar á starfsemi félagsmiðstöðvanna Sölku og Birtu verða 15. og 16. september.

Sumarliði Helgason hefur verið ráðinn í starf sviðsstjóra þjónustu- og skipulagssviðs sem auglýst var laust til umsóknar þann 26. júní sl. Alls bárust 28 umsóknir um starfið, fjórir umsækjendur drógu umsókn sína til baka.

Ný og glæsileg aðstaða fyrir siglingar og sjósport á Akureyri var vígð við hátíðlega athöfn í blíðskaparveðri í gær.

Umhverfis- og mannvirkjasvið, fyrir hönd Akureyrarbæjar óskar eftir tilboðum í eftirlitslausn bílastæða á Akureyri fyrir árin 2021-2026 Um tvö útboð er að ræða, annars vegar eftirlitslausn og hins vegar kaup á stöðumælum.