Yfirlit frétta

Tilkynnt var um eld í Miðgarðakirkju í Grímsey seint í gærkvöldi. Hún varð fljótt alelda og varð ekki við neitt ráðið. Kirkjan brann því til grunna á stuttum tíma í stífri norðanátt og er að svo stöddu ekki vitað um upptök eldsins.

Bíllausi dagurinn er í dag, sem er jafnframt hápunktur Samgönguvikunnar. Akureyringar og íbúar margra annarra borga og bæja í heiminum hafa því verið hvattir til að nota umhverfisvænni og heilsusamlegri samgöngumáta en einkabílinn.

Alþingiskosningar verða laugardaginn 25. september 2021.

Bíllausi dagurinn er haldinn víða um heim á morgun, miðvikudaginn 22. september, þar á meðal á Akureyri. Þá er fólk hvatt til að hvíla bílinn og ganga, hjóla eða taka strætó.

Strætisvagnar Akureyrar fengu á dögunum afhentan nýjan strætisvagn sem er sá fjórði í flotanum sem gengur fyrir metangasi.

KortEr er ný tæknilausn utan um alþjóðlega hugmyndafræði sem snýst um að allir íbúar geti fullnægt flestum þörfum sínum í stuttri göngu- eða hjólaferð frá heimili sínu.

Á fundi fræðsluráðs Akureyrarbæjar 6. september sl. var samþykkt samhljóða breyting á fyrirkomulagi matseðla í leik- og grunnskólum bæjarins.

Bæjarstjórn Akureyrarbæjar kemur saman til fundar kl. 16 þriðjudaginn 21. september.