Fréttir

Blöndulína 3 frá Blöndustöð til Akureyrar

Landsnet hefur tilkynnt til athugunar Skipulagsstofnunar frummatsskýrslu um lagningu Blöndulínu 3 frá Blöndustöð til Akureyrar. Tillaga að ofangreindri framkvæmd og skýrsla um mat á umhverfisáhrifum hennar liggur frammi til kynningar frá 21. mars til 3. maí 2012 hér á Amtsbókasafninu á Akureyri.

28.03.2012 - 14:09 Lestrar 515

Lestrarhestamennska er fjölskyldusport!

Barnabókasetur stendur fyrir opnum fræðslufundum um barnabækur og lestur barna. Fyrsti fundurinn verður haldinn á Amtsbókasafninu fimmtudaginn 22. mars kl. 17:00. Brynhildur Þórarinsdóttir rithöfundur og dósent við Háskólann á Akureyri flytur erindið: Lestrarhestamennska er fjölskyldusport - Um mikilvægi lestraruppeldis Allir velkomnir! Kaffihúsið með heitt á könnunni....

20.03.2012 - 08:33 Lestrar 516

Heimsóknir 4. bekkja á Amtsbókasafnið

Nú er verið að kynna starfsemi Amtsbókasafnsins markvisst fyrir börnum í skólum bæjarins. Fyrsti skólahópurinn kom til okkar úr Oddeyrarskóla og ekki hægt að segja annað en að heimsóknin hafi lukkast mjög vel. Góð mæting bæði barna og foreldra sem nutu þess að fara í skoðunarferð um leynda kima safnsins, leyta svara við spurningum bókavarðarins og velja sér bækur að vild.

14.03.2012 - 14:46 Lestrar 797

Bókamerkin sem gleymdust... - Er þitt bókamerki eitt af þeim?

Margir gleyma að taka bókamerkin sín úr bókunum þegar þeim er skilað. Við söfnum þessum merkjum saman og í gegnum tíðina hefur orðið til dágott safn af bókamerkjum í hinum ýmsum stærðum og gerðum. Nú eru bókamerkin til sýnis og ef þitt merki er á borðinu skaltu endilega taka það með þér heim!

12.03.2012 - 13:46 Lestrar 785

Bókaverðlaun barnanna

Almennings- og skólabókasöfn landsins veita verðlaun hvert ár fyrir tvær barnabækur, aðra frumsamda og hina erlenda. 6-12 ára börn velja bækurnar og fer valið fram í grunnskólum og bókasöfnum um allt land á vormánuðum. Úrslit verða kynnt á aðalsafni Borgarbókasafns á sumardaginn fyrsta, 19. apríl. Hér á Akureyri má að skila atkvæðum fyrir 30. mars, á bókasöfn grunnskólanna eða á Amtsbókasafninu.

06.03.2012 - 10:10 Lestrar 912

Bók í mannhafið

Þann 8. september, síðastliðinn, var alþjóðadagur læsis. Af því tilefni var 30 bókakössum komið fyrir víða um Akureyri. Í kössunum voru ókeypis bækur sem fólk á öllum aldri gat tekið með sér heim til lestrar. Að lestri loknum mátti koma bókinni fyrir í sambærilegum bókakassa. Almenningur gat einnig sett sínar eigin bækur í bókakassana og aukið þannig enn á fjölbreytnina.

27.02.2012 - 10:56 Lestrar 882

Gagn og gaman á tímarit.is

Sífellt bætast nýir titlar inn á tímarit.is. Nú þegar hafa verið myndaðir 652 titlar og þeim fjölgar jafnt og þétt. Hér á Amtsbókasafninu eru myndaðar um og yfir 1000 blaðsíður á dag. Um þessar mundir er verið að mynda hin ýmsu landsmálablöð og þess má geta að Dagur og Íslendingur eru komnir inn í safnið ásamt fleiri norðlenskum blöðum. Árið 2011 var Muninn myndaður í boði afmælisárganga í Menntaskólanum á Akureyri. Tímarit.is er hafsjór af fróðleik og leikir jafnt sem lærðir geta haft bæði gagn og gaman af því að skoða þetta sívaxandi safn.

23.02.2012 - 13:52 Lestrar 814

Áhugi fólks á læsi og lestri barna hefur greinilega tekið við sér

Fjölskyldufólk leggur leið sína á safnið í auknum mæli nú í byrjun árs. Stofnun Barnabókaseturs, opnun sýningar um Yndislestur og mikil umfjöllun um lestur barna og unglinga hefur þar áhrif, án efa.

17.02.2012 - 11:03 Lestrar 955

Ný þjónusta við lánþega Amtsbókasafnsins á Akureyri

Þann 17. mars 2011 tókum við upp þá nýbreytni að senda lánþegum tilkynningu í tölvupósti um að komið væri að skilum á safnefni. Þessi nýbreytni hefur mælst vel fyrir og við hvetjum alla sem ekki hafa skráð netfang hjá okkur nú þegar að nota næstu ferð og yfirfara lánþegaupplýsingar sínar. Og endilega að láta okkur vita ef netfang breytist!

12.02.2012 - 14:22 Lestrar 860

Nýtt efni

Daglega kemur nýtt efni í útlánadeildina, hvort sem um er að ræða bækur, blöð, tónlist, kvikmyndir, teiknimyndasögur eða annað. Pantanalistarnir eftir jólin eru orðnir mun styttri og því biðin eftir vinsælustu bókunum ekki jafn löng. Það ætti því að vera léttur leikur að rölta á Amtsbókasafnið og geta tekið með sér eitthvað nýtt efni. Til dæmis þetta:

11.02.2012 - 11:48 Lestrar 899

Katrín Jakobsdóttir og Sigrún Klara Hannesdóttir

Stofngjörningur Barnabókaseturs

Barnabókasetur var stofnað á Amtsbókasafninu á Akureyri, laugardaginn 4. febrúar. Barnabókasetrið verður rannsóknsetur um barnabækur, læsi og lestur barna. Að undirbúningi standa Háskólinn á Akureyri, Minjasafnið og Amtsbókasafnið. Að setrinu standa einnig Rit höfundasambandið, SÍUNG – samtök barna og unglingabókahöfunda, IBBY, Félag fagfólks á skólasöfnum og fleiri. Samhliða stofnun Barnabókaseturs var opnuð sýningin: Yndislestur æsku minnar. Hún samanstendur af myndum af þekktu fólki að lesa minnisstæða barnabók og hugleiðingum þeirra um bókina og hvers vegna hún var í uppáhaldi.

05.02.2012 - 10:29 Lestrar 945