Sómatún 9-49, breyting á deiliskipulagi

Bæjarstjórn Akureyrarkaupstaðar auglýsir hér með tillögu að breytingu á deiliskipulagi skv. 1. mgr. 43. gr. skipulagslaga nr. 123/2010.

Í tillögunni er m.a. gert ráð fyrir að í stað 7 íbúða raðhúss á tveimur hæðum verði þar 5 samtengd fjölbýlishús á tveimur hæðum, samtals 10 íbúðir. Í stað parhúss á tveimur hæðum verði eitt einbýlishús á tveimur hæðum. Einnig eru gerðar breytingar á húsnúmerum þannig að Sómatún 27-35 verði Sómatún 19-27 og Sómatún 41-49 verði Sómatún 31-39.

Tillöguuppdráttur með greinargerð og skýringaruppdráttur munu liggja frammi í þjónustuanddyri Akureyrarkaupstaðar, Geislagötu 9, 1. hæð, frá 25. apríl til 7. júní 2012, svo að þeir sem þess óska geti kynnt sér tillöguna og gert við hana athugasemdir.

Sómatún 9-49 - Skipulagsuppdráttur

Frestur til að gera athugasemdir við tillöguna rennur út kl. 16:00 þann 7. júní 2012 og skal athugasemdum skilað skriflega til skipulagsdeildar Akureyrarkaupstaðar, Geislagötu 9, 3. hæð, og/eða í tölvupósti (skipulagsdeild@akureyri.is) þar sem nafn, kennitala og heimilisfang sendanda kemur fram.

F.h. Akureyrarkaupstaðar, 25. apríl 2012,

Arnar Birgir Ólafsson, verkefnastjóri skipulagsmála