Bæjarstjórn Akureyrarkaupstaðar auglýsir hér með skv. 1. mgr. 41. gr. skipulagslaga nr. 123/2010, tillögu að deiliskipulagi.
Skipulagssvæðið afmarkast í suðri af opnu svæði norðan við Glerá, í vestri af lóð Glerárskóla, í norðri
af Undirhlíð og opnu svæði norðan Áshlíðar og í austri af Hörgárbraut. Í tillögunni eru m.a. skilgreindir byggingarreitir
fyrir hús á svæðinu, götur og gangstígar eru endurskoðuð og tvær nýjar byggingalóðir skipulagðar.
Tillöguuppdráttur ásamt greinargerð og húsakönnun mun liggja frammi í þjónustuanddyri Akureyrarkaupstaðar, Geislagötu
9, 1. hæð, frá 19. september til 31. október 2012, svo að þeir sem þess óska geti kynnt sér tillöguna og gert við hana athugasemdir.
Deiliskipulagsgögnin eru aðgengileg hér fyrir neðan
Hlíðahverfi, suðurhluti - uppdráttur
Hliðahverfi, suðurhluti - greinagerð
Hlíðahverfi, suðurhluti - húsakönnun
Frestur til að gera athugasemdir við tillöguna rennur út kl. 16:00 miðvikudaginn 31. október og skal athugasemdum skilað skriflega til skipulagsdeildar
Akureyrarkaupstaðar, Geislagötu 9, 3. hæð, eða í tölvupósti (skipulagsdeild@akureyri.is) þar sem nafn, kennitala og heimilisfang sendanda kemur fram.
Hver sá sem ekki gerir athugasemdir við tillöguna innan þessa frests telst vera henni samþykkur.
19. september 2012
Skipulagsstjóri Akureyrarkaupstaðar