Yfirlit frétta

Gunnar Rúnar Ólafsson hefur verið ráðinn slökkviliðsstjóri hjá Slökkviliði Akureyrar.

Fimmtudaginn 26. janúar verður haldinn kynningarfundur um endurskoðun á deiliskipulagi fyrir tjaldsvæðisreitinn við Þórunnarstræti en stefnt er að því að þar verði blönduð íbúðabyggð með nýrri heilsugæslustöð og annarri þjónustu. Fundurinn verður haldinn í Íþróttahöllinni og hefst kl. 17, gengið inn um aðalinngang að sunnanverðu.

Umhverfis- og mannvirkjasvið Akureyrarbæjar óskar eftir tilboðum í lagnir og yfirborðsfrágang á nýjum keppnisvelli á íþróttasvæði KA.

Laus eru til umsóknar tvö pláss hjá AkureyrarAkademíunni án endurgjalds með stuðningi frá Akureyrarbæ. Um er að ræða góða aðstöðu til að vinna að nýsköpunar- og frumkvöðlaverkefnum í skapandi umhverfi.

Mikilvægt er að öllum umsóknum um leikskóla og umsóknum um flutning milli leikskóla verði skilað inn fyrir 1. febrúar n.k.

Skíðasvæðið í Hlíðarfjalli fékk í morgun til umráða tvo glænýja og öfluga snjótroðara sem verða komnir á beltin og byrjaðir að troða strax á morgun. Talsvert hefur snjóað síðustu daga og voru snjóhengjur á efstu fjallabrúnum ekki álitlegar. Snemma í morgun var því gripið til þess ráðs að nota litlar sprengjur til að setja af stað snjóflóð. Fjögur snjóflóð hlupu af stað og var eitt þeirra sýnu stærst eða á að giska 200 metrar á breidd. Vonast er til að þessar aðgerðir dragi mjög úr snjóflóðahættu og auki öryggi skíðafólks til mikilla muna.

Bæjarstjórn Akureyrarbæjar kynnir hér með skv. 4.mgr. 40.gr. skipulagslaga nr. 123/2010 tillögu á vinnslustigi að breytingu á deiliskipulagi Háskólans á Akureyri.

Bæjarstjórn Akureyrarbæjar kynnir hér með skv. 4.mgr. 40.gr. skipulagslaga nr. 123/2010 tillögu á vinnslustigi að breytingu á deiliskipulagi miðbæjar.