Yfirlit frétta

Í gær, 11. nóvember, var haldið upp á fæðingardag velgjörðarmanns Grímseyinga, Bandaríkjamannsins Daniels Willards Fiske, en sá dagur er ávallt haldinn hátíðlegur í Grímsey. Haldið var kaffisamsæti í félagsheimilinu Múla kl. 18.00, boðið upp á heitt súkkulaði og bakkelsi, lesið ágrip um Fiske sem var fæddur 1831 og gluggað i gömul albúm úr skólanum. Kvenfélagið Baugur hefur séð um skipulagið á hátíðinni óslitið frá stofunn félagsins árið 1957. Mjög góðmennt en fámennt var úti í eyju í gær eða einungis 10 manns að þessu sinni.

Vika barnsins hefst á Akureyri á morgun og er markmiðið að vekja athygli á málefnum barna.

Viðtalstímar bæjarfulltrúa eru haldnir tvisvar í mánuði á fimmtudögum frá kl. 17:00 til 19:00 á tímabilinu september til maí.

Nú liggur fyrir skýrsla starfshóps um nýframkvæmdir íþróttamannvirkja Akureyrarbæjar.

Akureyrarstofa auglýsir til leigu Sigurhæðir á Akureyri. Húsið lét þjóðskáldið, séra Matthías Jochumsson, reisa árið 1903 en það er einlyft timburhús með risi. Húsið stendur á steinhlöðnum kjallara og miðjukvistur með risþaki eru á vestur- og austurhlið. Viðbyggingar eru við þrjár húshliðar, anddyri með valmaþaki við norðurstafn, inngönguskúr með skúrþaki við bakhlið og forstofa með valmaþaki við suðurstafn.

Í tilefni 40 ára afmælis leikskólans Lundarsels var blásið til veislu í dag.

Evrópska nýtnivikan verður haldin á Akureyri öðru sinni 16.-24. nóvember nk. Nýtnivikan er samevrópskt átak sem ætlað er að vekja fólk til vitundar um nauðsyn þess að draga úr úrgangi, m.a. með því að lengja líftíma hluta, samnýta og stuðla almennt að því að hlutir öðlist framhaldslíf frekar en að enda sem úrgangur.

Það var stór stund á Minjasafninu á Akureyri í gær þegar Ásthildur Sturludóttir, bæjarstjóri, tók við 16 fornum Íslandskortum sem Karl-Werner Schulte færði Akureyrarbæ að gjöf.