Söguskilti afhjúpuð

Söguskiltið um Búðargil.

Í dag, laugardaginn 1. september kl. 10.00, verða sex ný söguskilti afhjúpuð í hjarta gömlu Akureyrar og sérstök athöfn fer fram við áningarstaðinn á móts við Tuliniusarhús (við bílastæðin norðan Brynju). Sagt verður frá tilurð skiltanna, efnisvali og umfangi.

Skiltin eru gerð í tilefni 150 ára afmælis Akureyrarkaupstaðar og eru gjöf Norðurorku í tilefni afmælisins. Minjasafnið, Akureyrarstofa og Framkvæmdadeild Akureyrar hafa staðið að gerð skiltanna. Skiltin gera grein fyrir sögu húsa og staðhátta í máli og myndum, alla leið frá Ráðhústorginu í miðbæ Akureyrar og inn í Innbæinn.

Skiltin verða öll með smartkóða (QR- kóða) sem auðvelda þeim sem eru með snjallsíma að sækja ýmis konar viðbótarfróðleik um skiltin, auk þess sem hægt er að nálgast mynd af skiltunum á heimasíðu Akureyrarbæjar, visitakureyri.is.