Sláttur og umhirða í bæjarlandinu

Grassláttur í bæjarlandinu hófst í lok maí sem er nokkru seinna en í fyrra. Tíðarfarið hefur þar mest að segja, en almennt eru flest svæði orðin græn og falleg í dag. 

Óheimilt er að geyma tjaldvagna, fellihýsi og annað þvíumlíkt á grassvæðum í eigu Akureyrarbæjar, því annars eru svæðin ekki slegin.

Íbúar eru hvattir til að koma í veg fyrir að ágengar plöntur nái að þroska fræ og að eyða ágengum plöntum eins og skógarkerfli og lúpínu í sínu nánasta umhverfi. Jafnframt er fólk í framkvæmdum hvatt til þess að sópa og þrífa í kringum sig.

Saman vinnum við að því að gera bæinn fallegan og halda honum eins hreinum og hægt er.