Íþrótta- og tómstundastyrkir í boði í sumar

Frestur til að sækja um sérstaka íþrótta- og tómstundastyrki fyrir börn á tekjulægri heimilum hefur verið framlengdur. Möguleikum til að ráðstafa styrknum hefur einnig verið fjölgað og gilda þeir m.a. til niðurgreiðslu á námskeiðum, búnaði og ferðum vegna sumarsins 2021.

Styrkirnir eru liður í aðgerðum ríkisstjórnarinnar vegna Covid-19 og koma til viðbótar hefðbundnum frístundastyrkjum sveitarfélaga.

Hægt er að sækja um fyrir börn sem eru fædd 2005-2014 og búa á heimili þar sem heildartekjur voru að meðaltali lægri en 740.000 kr. á mánuði á tímabilinu mars-júlí 2020.

Samkvæmt uppfærðum reglum skal greiða styrki vegna útlagðs kostnaðar við íþrótta- og tómstundastarf á skólaárinu 2020-2021 og sumarið 2021, allt að 45.000 krónur fyrir hvert barn. Styrkir eru veittir vegna þátttöku í skipulögðu íþrótta- og tómstundastarfi, en einnig er heimilt að nýta íþrótta- og tómstundastyrk til greiðslu á tækjum, búnaði, fatnaði og ferðum vegna sumarsins 2021.

Sveitarfélög annast afgreiðslu umsókna og þarf umsókn að berast Akureyrarbæ fyrir 31. júlí 2021.

Hér eru nánari upplýsingar og leiðbeiningar.