Hver skarar fram úr í jafnréttismálum?

Mynd: María Helena Tryggvadóttir

Frístundaráð Akureyrarbæjar auglýsir eftir tilnefningum til jafnréttisviðurkenningar ráðsins. Tilgangurinn er að veita viðurkenningu fyrir vel unnin störf í þágu jafnréttis í samræmi við jafnréttisstefnu Akureyrarbæjar. 

Viðurkenningu geta hlotið: 

Fyrirtæki sem hafa:

-Sérstaka stefnu/áætlun í jafnréttismálum
-Unnið að því að afnema staðalímyndir kynjanna
-Sett sér aðgerðaráætlun sem tæki til að vinna að framgangi jafnréttis kvenna og karla
-Gert ráðstafanir til að koma í veg fyrir kynbundið áreiti eða kynferðislega áreitni á vinnustöðum

Félög/félagasamtök sem hafa:

-Sérstaka stefnu/áætlun í jafnréttismálum
-Sett sér aðgerðaráætlun sem tæki til að vinna að framgangi jafnréttis kvenna og karla
-Gert ráðstafanir til að koma í veg fyrir kynbundið áreiti eða kynferðislega áreitni innan félags
-Veitt leiðbeinendum/þjálfurum fræðslu um jafnréttismál

Einstaklingar sem hafa skarað fram úr í vinnu að jafnréttismálum.

Rökstuddum tilnefningum skal skilað í síðasta lagi 1. apríl nk. í gegnum þjónustugátt Akureyrarbæjar sem er aðgengileg hér á heimasíðunni. Hér er bein slóð á umsóknarformið, en fyrst þarf að skrá sig inn í þjónustugáttina með rafrænum skilríkjum eða Íslykli.