Fundur í bæjarstjórn 10. maí

Bæjarstjórn Akureyrarbæjar kemur saman til fundar þriðjudaginn 10. maí kl. 16. Fundurinn verður haldinn í fundarsal á 1. hæð í Ráðhúsinu, Geislagötu 9, og er öllum opinn.

Á dagskránni er meðal annars umræða um nýtt skipulag fyrir Móahverfi, reglur um lokun gatna, samþykkt um listskreytingar og listaverkakaup og nýja umhverfis- og loftslagsstefnu Akureyrarbæjar. 

Sjá dagskrá fundarins í heild sinni.

Hér má finna upptökur frá bæjarstjórnarfundum. Athugið að ekki verður streymt frá fundinum að þessu sinni, en upptaka verður gerð aðgengileg að honum loknum.