Eitt kort, fimm svæði

Mynd: Auðunn Níelsson.

Helgin framundan er svokölluð skiptihelgi hjá skíðasvæðunum á Norðurlandi. Það þýðir að á laugardag og sunnudag geta þeir sem eiga vetrarkort á einu af samstarfssvæðunum, fengið dagskort á fjórum öðrum svæðum gegn framvísun kortsins. Er þetta liður í að auka samstarf skíðasvæðanna á Norðurlandi.

Frábært skíðafæri er nú á öllu Norðurlandi og spáin fyrir helgina lofar góðu. Spáð er hægri norðanhátt og dálitlu frosti.

Síðasvæðin sem taka þátt í skiptihelginni eru Tindastóll við Sauðárkrók, Skarðsdalur í Siglufirði, Tindaöxl í Ólafsfirði, Böggvinsstaðafjall við Dalvík og Hlíðarfjall á Akureyri.  Það eina sem viðkomandi þarf að gera er að mæta með vetrarkortið sitt í afgreiðslu viðkomandi skíðasvæðis og fá dagskort.