Deiliskipulag vegna Kjarnaskógar og Hamra, niðurstaða bæjarstjórnar

Bæjarstjórn Akureyrarkaupstaðar hefur þann 19. nóvember 2013 samþykkt deiliskipulag fyrir Kjarnaskóg og Hamra í samræmi við 3. mgr. 41. gr. skipulagslaga nr. 123/2010.

Skipulagssvæðið afmarkast af mörkum sveitarfélagsins að sunnan, hamrabelti ofan Kjarnaskógar og Hamra að vestan, óbyggðu svæði að norðan og Eyjafjarðarbraut að austan. Í deiliskipulaginu er verið að koma á formlegu skipulagi fyrir útivistarsvæðið, tjaldsvæðið og útilífsmiðstöð skáta.

Tillagan var auglýst frá 25. september  til 6. nóvember 2013. Alls bárust 6 athugasemdir og hefur verið tekið tillit til þeirra.

Deiliskipulagið hefur verið sent Skipulagsstofnun og tekur það gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu bæjarstjórnar, geta snúið sér til skipulagsdeildar, Akureyrarkaupstaðar, Geislagötu 9, 3. hæð.

27. nóvember 2013

Skipulagsstjóri Akureyrarkaupstaðar