Dagskrá 1. maí á Akureyri

Yfirskrift hátíðarhaldanna á verkalýðsdaginn 1. maí á Akureyri er "Kaupmáttur, atvinna, velferð". Safnast verður saman við Alþýðuhúsið í Skipagötu frá kl. 13.30 og lagt upp í kröfugöngu kl. 14.00 við undirleik Lúðrasveitar Akureyrar. Göngufólk fær afhenta happdrættismiða en dregið verður um vinninga í Hofi að lokinni göngunni.

Hátíðardagskrá í Hofi:

• Ávarp 1. maínefndar stéttarfélaganna: Óskar Þór Vilhjálmsson, fulltrúi SFR stéttarfélags í almannaþjónustu
• Aðalræða dagsins: Arna Jakobína Björnsdóttir, formaður Kjalar stéttarfélags starfsmanna í almannaþjónustu
• Skemmtidagskrá, kaffiveitingar og dregið í happdrættinu
• Skralli trúður verður á staðnum og dregur út skemmtilega happdrættisvinninga
• Leikfélag Dalvíkur flytur atriði úr sýningunni Eyrnalangur og annað fólk
• Hjalti og Lára Sóley spila og syngja