Cirkus Flik Flak á Akureyri

Í næstu viku kemur barna- og unglinga sirkusinn Cirkus Flik Flak frá Danmörku í heimsókn til Akureyrar og heldur sýningar í íþróttahúsi Giljaskóla. Sirkusinn hefur áður komið hingað til lands og hélt sýningar í Hafnarfirði, Vestmannaeyjum, Reykjanesbæ og Mosfellsbæ árin 2003 og 2007 við góðar undirtektir.

Sýningar verða fimmtudaginn 4. júlí kl. 19.00 og föstudaginn 5. júlí kl. 10.00 og eru gestum að kostnaðarlausu.