Breyting á Aðalskipulagi Akureyrar 2005-2018 vegna þéttbýlismarka

Bæjarstjórn Akureyrarkaupstaðar hefur þann 19. febrúar 2013 samþykkt breytingu á Aðalskipulagi Akureyrar 2005-2018.

Breytingin felur í sér að þéttbýlismörk ofan byggðar á Akureyri eru færð ofar þannig að meginhluti landnotkunarreita verður innan þeirra. Skíðasvæðið í Hlíðarfjalli, hverfisverndarsvæði á Glerárdal og vatnsverndarsvæði verða utan þess.

Tillagan var auglýst frá 17. október til 28. nóvember 2012. Tvær athugasemdir bárust. Bæjarstjórn hefur afgreitt þær og sent þeim sem gerðu athugasemdir umsögn sína. Athugasemd gaf tilefni til breytinga á tillöguninni hvað varðar sveitarfélasmörk að norðan við Hörgársveit.

Önnur breyting var gerð eftir auglýsingu en með henni voru þéttbýlismörkin norðan Hlíðarfjallsvegar færð að hluta til ofar í hlíðina og fylgja nú fjallgirðingu lengra til norðurs og frá henni norður að sveitarfélagamörkum. Mannvirki ofan Lögmannshlíðarvegar eru því innan þéttbýlismarka.

Breytingin hefur verið send Skipulagsstofnun sem sér um lokaafgreiðslu erindisins.

Þeir sem óska nánari upplýsinga um tillöguna og niðurstöðu bæjarstjórnar geta snúið sér til skipulagsdeildar Akureyrarkaupstaðar, Geislagötu 9, 3. hæð.

Skipulagsstjóri Akureyrarkaupstaðar